റെഡ്ക്രോസ് സൊസൈറ്റിയുടെ ആഭിമുഖ്യത്തിൽ എസ്എസ്എൽസി പരീക്ഷയിൽ ഉന്നതവിജയം നേടിയ 1100 കുട്ടികൾക്കുള്ള സ്വീകരണം ആഗസ്റ്റ് 12 ന് ഇരിങ്ങാലക്കുട ടൗൺ ഹാളിൽ …
ഇരിങ്ങാലക്കുട : ഇന്ത്യൻ റെഡ് ക്രോസ് സൊസൈറ്റി തൃശ്ശൂർ ജില്ലാ ബ്രാഞ്ചിന്റെ ആഭിമുഖ്യത്തിൽ ജില്ലയിലെ ജൂനിയർ റെഡ് ക്രോസ് കേഡറ്റുകളിൽ നിന്ന് എസ്എസ്എൽസി പരീക്ഷയിൽ ഉന്നത വിജയം നേടിയ കുട്ടികളെ ആദരിക്കുന്നു. ആഗസ്റ്റ് 12 ന് ഇരിങ്ങാലക്കുട ടൗൺ ഹാളിൽ നടക്കുന്ന ചടങ്ങിൽ ജില്ലയിലെ 218 സ്കൂളുകളിൽ നിന്ന് 1100 കുട്ടികളാണ് ആദരവ് ഏറ്റുവാങ്ങുന്നതെന്ന് സൊസൈറ്റി ജില്ലാ ചെയർമാൻ അഡ്വ എം എസ് അനിൽകുമാർ , ജില്ലാ കോ-ഓർഡിനേറ്റർ ട്വിൻസി എ ടി എന്നിവർ പത്ര സമ്മേളനത്തിൽ അറിയിച്ചു. രാവിലെ 11 ന് നടക്കുന്ന ചടങ്ങ് ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്യും. സൊസൈറ്റി സംസ്ഥാന ചെയർമാൻ രഞ്ജിത്ത് കാർത്തികേയൻ മുഖ്യാതിഥി ആയി പങ്കെടുക്കും. വിവിധ സ്കൂളുകളിൽ ജെആർസി കൗൺസിലർമാരായിയും ഉപജില്ലാ കോ-ഓഡിനേറ്റർമാരായും പ്രവർത്തിക്കുന്ന അധ്യാപകരെ ചടങ്ങിൽ ആദരിക്കും. ജെആർസി ഉപജില്ലാ കോ-ഓർഡിനേറ്റർ രഞ്ജിത്ത് പി ടി , സൊസൈറ്റി ജില്ലാ മാനേജിംഗ് കമ്മിറ്റി അംഗങ്ങളായ അഡ്വ ശശികുമാർ ഇടപ്പുഴ, പ്രദീപ് ഗോവിന്ദൻകുട്ടി എന്നിവരും പത്രസമ്മേളനത്തിൽ പങ്കെടുത്തു.
