ഭിന്നശേഷി സംഗമവുമായി ഇരിങ്ങാലക്കുട നഗരസഭയുടെ ഞാറ്റുവേലമഹോൽസവം ; നാളെ ജനപ്രതിനിധി സംഗമം …
ഇരിങ്ങാലക്കുട : ഭിന്നശേഷി സംഗമവുമായി ഇരിങ്ങാലക്കുട നഗരസഭയുടെ ഞാറ്റുവേല മഹോത്സവം .രാജീവ് ഗാന്ധി ടൗൺഹാളിൽ നടന്ന ചടങ്ങ് ഇ ടി ടൈസൺ മാസ്റ്റർ എംഎൽഎ ഉദ്ഘാടനം ചെയ്തു. ഭിന്നശേഷിക്കാരെ പരിചരിക്കുന്ന പ്രതീക്ഷാഭവൻ, സാന്ത്വന സദനം, അഭയ ഭവൻ എന്നീ സ്ഥാപനങ്ങളെ ചടങ്ങിൽ ആദരിച്ചു.
മുൻസിപ്പൽ ചെയർമാൻ സുജ സഞ്ജീവ് കുമാർ അധ്യക്ഷത വഹിച്ചു. വൈസ് ചെയർമാൻ ടി.വി. ചാർളി, സ്റ്റാന്റിംഗ് കമ്മിറ്റി ചെയർമാൻമാരായ ഫെനി എബിൻ വെള്ളാനിക്കാരൻ , സി.സി. ഷിബിൻ, അംബിക പള്ളിപ്പുറത്ത്, ജെയ്സൺ പാറേയ്ക്കാടൻ,മുനിസിപ്പൽ കൗൺസിലർമാരായ ആർച്ച അനീഷ് അഡ്വ. ജിഷ ജോബി,തുടങ്ങിയവർ പങ്കെടുത്തു. മഹോൽസവത്തിന്റെ ഭാഗമായി നാളെ 10 ന് നടക്കുന്ന ജനപ്രതിനിധി സംഗമം ജില്ലാ പഞ്ചായത്ത് പ്രസിഡന്റ് പി കെ ഡേവീസ് മാസ്റ്റർ ഉദ്ഘാടനം ചെയ്യും.
