റോഡിൽ നിറുത്തിയിട്ടിരുന്ന കോൺക്രീറ്റ് മിക്സർ യന്ത്രത്തിന്റെ പുറകിൽ ബൈക്കിടിച്ച് കല്ലേറ്റുംകര സ്വദേശിയായ യുവാവ് മരിച്ചു …
ഇരിങ്ങാലക്കുട : റോഡിൽ നിറുത്തിയിട്ടിരുന്ന കോൺക്രീറ്റ് മിക്സർ യന്ത്രത്തിന്റെ പുറകിൽ ബൈക്ക് ഇടിച്ച് ബൈക്ക് യാത്രികനായ യുവാവ് മരിച്ചു. കല്ലേറ്റുംകര മംഗലൻ ജോഷി മകൻ ജാക്സൻ (33) ആണ് മരിച്ചത്. കഴിഞ്ഞ ദിവസം രാത്രി ഒൻപതരയോടെ ആയിരുന്നു അപകടം. കല്ലേറ്റുംകര ജംഗ്ഷനിൽ പഞ്ചായത്ത് ഓഫീസിന് അടുത്തായി നിറുത്തിയിട്ടിരുന്ന യന്ത്രത്തിന്റെ പുറകിലാണ് ബൈക്ക് ഇടിച്ചത്. ഗുരുതരമായ പരിക്കേറ്റ ജാക്സനെ ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. റോസ്മേരിയാണ് ഭാര്യ. ഏദൻ ലൂക്ക് , രണ്ടര മാസമുള്ള മകൾ എന്നിവരാണ് മക്കൾ. യന്ത്രം കെട്ടി വലിച്ച് കൊണ്ട് വന്ന ലോറിയുടെ ടയർ പഞ്ചർ ആയതിനെ തുടർന്നാണ് മിക്സർ യന്ത്രം റോഡിൽ ഇട്ടത് . അലക്ഷ്യമായും റിഫ്ളക്ടർ ഇല്ലാതെയും റോഡിൽ യന്ത്രമിട്ടതിന്റെ പേരിൽ ലോറി ഡ്രൈവറുടെ പേരിൽ ആളൂർ പോലീസ് കേസ്സെടുത്തു.
