33 – മത് തൃശ്ശൂർ റവന്യൂ ജില്ലാ സ്കൂൾ കലോൽസവം ; ആദ്യ ഫലങ്ങൾ പുറത്ത് വന്നപ്പോൾ കൊടുങ്ങല്ലൂർ ഉപജില്ല 56 പോയിന്റുമായി മുന്നിൽ …
തൃശ്ശൂർ: ഇരിങ്ങാലക്കുടയിൽ നടക്കുന്ന 33 – മത് തൃശ്ശൂർ റവന്യൂ ജില്ലാ കേരള സ്കൂൾ കലോൽസവത്തിന്റെ ആദ്യ ഫലങ്ങൾ പുറത്ത് വന്നപ്പോൾ കൊടുങ്ങലൂർ ഉപജില്ല 56 പോയിന്റുമായി മുന്നിൽ. ഇരിങ്ങാലക്കുട ഉപജില്ല 49 ഉം മാള , ചാവക്കാട് ഉപജില്ലകൾ 46 വീതവും പോയിന്റ് നേടിയിട്ടുണ്ട്.
സ്കൂളുകളിൽ മതിലകം സെന്റ് ജോസഫ്സ് സ്കൂളാണ് 30 പോയിന്റ് നേടി മുന്നിൽ എത്തിയിരിക്കുന്നത്. ചാലക്കുടി കാർമ്മൽ , പാവറട്ടി എച്ച് എച്ച്എസ് എന്നീ സ്കൂളുകൾ 15 പോയിന്റ് നേടിയിട്ടുണ്ട്.
ഗേൾസ് സ്കൂളിലെ 20 മുറികളിലായി നടന്ന ഓഫ് സ്റ്റേജ് ഇനങ്ങളിൽ 950 ഓളം കുട്ടികളാണ് പങ്കെടുത്തത്. പദ്യം ചൊല്ലൽ , ഗസൽ എന്നിവയിലുള്ള മൽസരങ്ങളും ഇതോടൊപ്പം നടന്നു.രാവിലെ പത്ത് മണിയോടെയാണ് മൽസരങ്ങൾ ആരംഭിച്ചത്.
