‘സ്പർശം 2021’ ; മികച്ച എൻ. എസ്. എസ് യൂണിറ്റിനുള്ള സംസ്ഥാനതല അവാർഡ് ഇരിങ്ങാലക്കുട സെന്റ് ജോസഫ്സ് കോളേജിന് …
ഇരിങ്ങാലക്കുട :നാഷണൽ സർവീസ് സ്കീം സ്റ്റേറ്റ് സെല്ലും കേരള എക്‌സൈസ് ഡിപ്പാർട്മെന്റും സംയുക്തമായി സംഘടിപ്പിച്ച ലഹരി വിരുദ്ധ ബോധവത്കരണ പരിപാടിയായ ‘സ്പർശം 2021’ ൽ മികച്ച പ്രവർത്തനങ്ങൾ കാഴ്ചവച്ച എൻ. എസ്. എസ് യൂണിറ്റിനുള്ള സംസ്ഥാനതല അവാർഡ് ഇരിങ്ങാലക്കുട സെന്റ് ജോസഫ്സ് കോളേജിന് ലഭിച്ചു. കോഴിക്കോട് ജെ. ഡി. ടി കൺവെൻഷൻ സെന്ററിൽ വച്ച് നടന്ന ചടങ്ങിൽ ഉന്നതവിദ്യാഭ്യാസ സാമൂഹിക വകുപ്പ് മന്ത്രി ഡോ. ആർ ബിന്ദുവിൽ നിന്ന് എൻ. എസ്. എസ് പ്രോഗ്രാം ഓഫീസർ ഡോ. സിനി വർഗീസും വളണ്ടിയർമാരും ചേർന്ന് അവാർഡ് ഏറ്റുവാങ്ങി.കൂടാതെ എൻ. എസ്. എസ് തൃശൂർ ജില്ലാ കോർഡിനേറ്ററും സെന്റ് ജോസഫ്സ് കോളേജിലെ മുൻ പ്രോഗ്രാം ഓഫീസറും ആയ ഡോ. ബിനു ടി. വി ക്ക് ‘സ്പർശം 2021 ‘ സംസ്ഥാനത്തെ മികച്ച എൻ. എസ്. എസ് ജില്ലാ കോർഡിനേറ്ററിനുള്ള അവാർഡും ലഭിച്ചു.
