33 – മത് ഇരിങ്ങാലക്കുട ഉപജില്ലാ കലോത്സവത്തിന് തിരി തെളിഞ്ഞു …
ഇരിങ്ങാലക്കുട : 33-മത് ഇരിങ്ങാലക്കുട ഉപജില്ലാ കലോത്സവത്തിന് തിരി തെളിഞ്ഞു. എടതിരിഞ്ഞി എച്ച് ഡി പി എസ് ഹയർസെക്കൻഡറി സ്കൂളിൽ നവംബർ 8,9,10,11 തിയതികളിലായി നടക്കുന്ന കലോൽസവം ഇരിങ്ങാലക്കുട നഗരസഭ ചെയർപേഴ്സൺ സോണിയ ഗിരി ഉദ്ഘാടനം ചെയ്തു. പടിയൂർ പഞ്ചായത്ത് പ്രസിഡന്റ് ലത സഹദേവൻ അധ്യക്ഷത വഹിച്ചു. കൂടിയാട്ട ആചാര്യൻ അമ്മന്നൂർ കുട്ടൻ ചാക്യാർ മുഖ്യാതിഥിയായി. ഇരിങ്ങാലക്കുട ഡി ഇ ഒ ഇൻ ചാർജ് ജസ്റ്റിൻ തോമസ് കലോത്സവ സന്ദേശം നൽകി. സ്കൂൾ മാനേജർ ഭരതൻ കണ്ടേങ്കാട്ടിൽ മുഖ്യ പ്രഭാഷണം നടത്തി. ജില്ലാ പഞ്ചായത്ത് മെമ്പർ ഷീല അജയ്‌ഘോഷ്, വെള്ളാങ്ങല്ലൂർ ബ്ലോക്ക് പഞ്ചായത്ത് മെമ്പർ രാജേഷ് അശോകൻ, പടിയൂർ പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ ജയശ്രീ ലാൽ ,വിബിൻ ടി വി, പ്രിൻസിപ്പൽ ഫോറം കൺവീനർ ഡോ. എ വി രാജേഷ്, സ്കൂൾ പി ടി എ പ്രസിഡന്റ് സി എസ് സുധൻ, വെള്ളാങ്ങല്ലൂർ ബി പി സി ഗോഡ്‌വിൻ റോഡ്രിഗസ്, സ്കൂൾ ഹെഡ്മിസ്ട്രസ് സ്മിത സി പി, എച്ച് എം ഫോറം കൺവീനർ റാണി ജോൺ എന്നിവർ ആശംസകൾ നേർന്നു. ജനറൽ കൺവീനർ കെ എ സീമ ടീച്ചർ സ്വാഗതവും ഉപജില്ല വിദ്യാഭ്യാസ ഓഫീസർ ഡോ. നിഷ എം സി നന്ദിയും പറഞ്ഞു.
