ഇരിങ്ങാലക്കുട വിദ്യാഭ്യാസ ഉപജില്ല കായികമേള ; 127 പോയിന്റുമായി ചെങ്ങാലൂർ സെന്റ് മേരീസ് സ്കൂൾ മുന്നിൽ …
ഇരിങ്ങാലക്കുട : ക്രൈസ്റ്റ് കോളേജ് സ്റ്റേഡിയത്തിൽ നടക്കുന്ന വിദ്യാഭ്യാസ ഉപജില്ല കായിക മേളയിൽ ചെങ്ങാലൂർ സെന്റ് മേരീസ് സ്കൂൾ 127 പോയിന്റുമായി മുന്നിൽ. 56 പോയിന്റുമായി ഇരിങ്ങാലക്കുട ഡോൺ ബോസ്കോ രണ്ടാം സ്ഥാനത്തും 53 പോയിന്റുമായി കരാഞ്ചിറ സെന്റ് ജോർജ്ജ് സ്കൂൾ മൂന്നാം സ്ഥാനത്തുമുണ്ട്. കായിക മേള മൂന്ന് ദിവസങ്ങൾ പിന്നിടുമ്പോൾ ആകെയുളള 128 ഇനങ്ങളിൽ 80 ഇനങ്ങൾ പൂർത്തിയായി കഴിഞ്ഞു. ഉപജില്ലയിലെ 84 വിദ്യാലയങ്ങളിൽ നിന്നുള്ള 2147 കുട്ടികളാണ് മത്സരങ്ങളിൽ പങ്കെടുക്കുന്നത്. നാളെ 3.30 ന് മണിക്ക് നടക്കുന്ന സമാപന സമ്മേളനം നഗരസഭ വൈസ് -ചെയർമാൻ ടി വി ചാർലി ഉദ്ഘാടനം ചെയ്യും.
കായികമേളക്കിടയിൽ ഇരിങ്ങാലക്കുട ബോയ്സ് സ്കൂളിലെയും എടതിരിഞ്ഞി എച്ച്ഡിപി സ്കൂളിലെയും കുട്ടികൾ തമ്മിലുള്ള സംഘർഷത്തിൽ എച്ച്ഡിപിയിലെ വിദ്യാർഥികളായ നിഖിൽ , അൽഗീഷ് , വിഷ്ണു, നിഷാദ് , ആദിത്യൻ , സിനോജ് എന്നിവർക്ക് പരിക്കേറ്റു. മുൻ വൈരാഗ്യമാണ് സംഘർഷത്തിന് കാരണമെന്ന് പോലീസ് അറിയിച്ചു.
