ഇരിങ്ങാലക്കുട വിദ്യാഭ്യാസ ഉപജില്ല കായികോൽസവം ; ആദ്യ ജയങ്ങൾ ഡോൺബോസ്കോ , കരാഞ്ചിറ സെന്റ് ജോർജ്ജ് സ്കൂളുകൾക്ക് …
ഇരിങ്ങാലക്കുട : ഇരിങ്ങാലക്കുട ക്രൈസ്റ്റ് കോളേജ് സ്റ്റേഡിയത്തിൽ ആരംഭിച്ച വിദ്യാഭ്യാസ ഉപജില്ല കായികോൽസവത്തിന്റെ ആദ്യദിനത്തിൽ ലോംഗ് ജംപ് എൽപി കിഡ്ഢീസ് ഗേൾസ് വിഭാഗത്തിൽ ഡോൺ ബോസ്കോ സ്കൂളിലെ ദ്യശ്യ സിനേഷ്, എടതിരിഞ്ഞി സെന്റ് മേരീസ് എൽപിഎസി ലെ ആദിയ പ്രദീപ്കുമാർ എന്നിവർ ഒന്നും രണ്ടും സ്ഥാനങ്ങൾ നേടി. ലോംഗ് ജംമ്പ് യുപി കിഡ്ഡീസ് വിഭാഗത്തിൽ കരാഞ്ചിറ സെന്റ് ജോർജ്ജ് യുപിഎസിലെ അഭിനവ് കെ എസ് , ഇരിങ്ങാലക്കുട സെന്റ് മേരീസിലെ എറിക് മെൽവിൻ എന്നിവരും ലോംഗ് ജംമ്പ് എൽപി കിഡ്ഡീസ് വിഭാഗത്തിൽ കരാഞ്ചിറ സെന്റ് ജോർജ്ജ് യുപിഎസിലെ സഹ്നാൻ , അഷ്ഫാക് അഹമ്മദ് എന്നിവർ ജേതാക്കളായി.
രാവിലെ നടന്ന ചടങ്ങിൽ നഗരസഭ ചെയർ പേഴ്സൺ സോണിയ ഗിരി കായികോത്സവം ഉദ്ഘാടനം ചെയ്തു നഗരസഭ പൊതുമരാമത്ത് സ്റ്റാൻഡിങ്ങ് കമ്മിറ്റി ചെയർമാൻ ജെയ്സൻ പാറേക്കാടൻ യോഗത്തിൽ അദ്ധ്യക്ഷനായി .ഉപജില്ല വിദ്യാഭ്യാസ ഓഫീസർ ഡോ.എം സി നിഷ .ബിപിസി വി ബി സിന്ധു എന്നിവർ പ്രസംഗിച്ചു ജനറൽ കൺവീനർ ആൻസൻ പി .ഡൊമിനിക് സ്വാഗതവും വികസന സമിതി ട്രഷറർ എം ജെ ഷാജി സ്വാഗതവും പറഞ്ഞു. ഉപജില്ലയിലെ 84 വിദ്യാലയങ്ങളിൽ നിന്നായി 128 ഇനങ്ങളിലായി 2147 കുട്ടികളാണ് നാലു ദിവസങ്ങളിലായി നടക്കുന്ന മൽസരങ്ങളിൽ പങ്കെടുക്കുന്നത്.
