യുക്തിവാദി എം.സി.ജോസഫ് , ഡോ അച്ചപിള്ള അനുസ്മരണസമ്മേളനം ഇരിങ്ങാലക്കുടയിൽ ഒക്ടോബർ 30 ന് ..
ഇരിങ്ങാലക്കുട : കേരള യുക്തിവാദിസംഘത്തിന്റെ ആഭിമുഖ്യത്തിൽ യുക്തിവാദി എം.സി.ജോസഫ് , ഡോ. അച്ച പിള്ള എന്നിവരെ അനുസ്മരിക്കുന്നു. ഒക്ടോബർ 30 ന് 9.30 ന് ഇരിങ്ങാലക്കുട എസ് എസ് ഹാളിൽ വച്ച് നടക്കുന്ന അനുസ്മരണസമ്മേളനം ഉന്നത വിദ്യാഭ്യാസ വകുപ്പ് മന്ത്രി ഡോ. ആർ ബിന്ദു ഉദ്ഘാടനം ചെയ്യും.
ദുരാചാര കേരളവും യുക്തിചിന്തയും എന്ന വിഷയത്തിൽ ടി.ശശിധരൻ മുഖ്യപ്രഭാഷണം നടത്തും. സംഘം സംസ്ഥാന പ്രസിഡണ്ട് ഗംഗൻ അഴീക്കോട് അദ്ധ്യക്ഷത വഹിക്കും. തുടർന്ന് അനുവദിക്കരുത് ആഭിചാരങ്ങൾ, മതേതരമാകട്ടെ കേരളം എന്ന വിഷയത്തിൽ പാനൽ ചർച്ച നടക്കും. സംഘം മുൻ ജനറൽ സെക്രട്ടറി അഡ്വ. രാജഗോപാൽ വാകത്താനം മോഡറേറ്ററായിരിക്കും. ജില്ലാ പഞ്ചായത്തംഗം കെ.എസ്. ജയ, ശിവഗിരി ഗുരുധർമ്മപ്രചാരണ സഭ ഉപദേശകസമിതി വൈസ് ചെയർമാൻ കെ.കെ. കൃഷ്ണാനന്ദ ബാബു, മുൻസിപ്പൽ കൗൺസിലർ അഡ്വ. ജിഷാ ജോബി, അഡ്വ.സതീശൻ കുറ്റാശ്ശേരി, റഷീദ് കാറളം, സംഘംസംസ്ഥാന കമ്മറ്റി അംഗങ്ങളായ സി.ചന്ദ ബാബു, അനിൽ പരയ്ക്കാട്, സംഘം ജില്ലാ സെക്രട്ടറി കെ. നളിനി, വി.യു. ശിവൻ, എന്നിവർ ചർച്ചയിൽ പങ്കെടുക്കും. സംഘം സംസ്ഥാന ജനറൽ സെക്രട്ടറി ടി.കെ. ശക്തിധരൻ, മറ്റ് ഭാരവാഹികളായ സജ്ജൻ കാക്കനാട് , ശ്രുതി തോമസ് , കെ നളിനി എന്നിവർ ഇത് സംബന്ധിച്ച് നടത്തിയ പത്രസമ്മേളനത്തിൽ പങ്കെടുത്തു.
