കഞ്ചാവ് ചെടികൾ വളർത്തിയ ആനന്ദപുരം സ്വദേശിയായ യുവാവ് അറസ്റ്റിൽ…
ഇരിങ്ങാലക്കുട:ആനന്ദപുരം കൊടിയൻ കുന്നിൽ വീടിനോട് ചേർന്ന പറമ്പിൽ ആറ് കഞ്ചാവ് ചെടികൾ നട്ടുവളർത്തി പരിപാലിക്കുകയായിരുന്ന ആനന്ദപുരം കൊടിയൻകുന്നിലെ തെക്കേക്കര വീട്ടിൽ ഭാസ്കരൻ മകൻ പ്രസാദിനെ (38 വയസ്) ഇരിങ്ങാലക്കുട എക്സൈസ് ഇൻസ്പെക്ടർ അനീഷ്.കെ.എ അറസ്റ്റ് ചെയ്തു. ഉദ്ദേശം ഒന്നര മാസത്തെ വളർച്ചയുള്ള ചെടികളാണ് കണ്ടെത്തിയത്. കഞ്ചാവ് ചെടി വളർത്തുന്നത് ജാമ്യമില്ലാത്ത കുറ്റമാണ്. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു. അസി. എക്സൈസ് ഇൻസ്പെക്ടർ അനൂപ് കുമാർ, പ്രിവന്റീവ് ഓഫീസർ ഗ്രേഡ് റാഫേൽ, സിവിൽ എക്സൈസ് ഓഫീസർമാരായ ജീവേഷ്, വിപിൻ, ശ്യാമലത, ജയശ്രീ എക്സൈസ് ഡ്രൈവർ മുഹമ്മദ് ഷാൻ എന്നിവർ അന്വേഷണ സംഘത്തിൽ ഉണ്ടായിരുന്നു.
Please follow and like us:
