പുല്ലുർ ഊരകത്ത് വയോധികനെ വീട് കയറി ആക്രമിച്ചതായി പരാതി..
ഇരിങ്ങാലക്കുട: വയോധികനെ വീട് കയറി അക്രമിച്ചതായി പരാതി. പുല്ലൂർ ഊരകം പാറമേക്കാട്ടിൽ കുട്ടൻ മകൻ ഭാസ്കരൻ (80 വയസ്സ് ) ആണ് മർദ്ദനമേറ്റത്.മർദ്ദനമേറ്റ ഭാസ്കരനെ സഹകരണ ആശുപതിയിൽ പ്രവേശിപ്പിച്ചു. കഴിഞ്ഞ ദിവസം വൈകീട്ട് ആയിരുന്നു സംഭവം. തറവാട്ട് വീടിൻ്റെ അടുത്ത് തർക്കത്തിലുള്ള വീട്ടിൽ നിന്ന് സാധനങ്ങൾ കൊണ്ട് പോകുന്നത് ചോദ്യം ചെയ്ത തന്നെ കണ്ടാൽ അറിയാവുന്ന വിഷ്ണു എന്നയാളും മറ്റ് മൂന്ന് പേരും ചേർന്ന് മർദ്ദിക്കുകയായിരുന്നുവെന്നും വീടിൻ്റെ ഗ്ലാസ്സ് തല്ലിതകർത്തതായും പോലീസിൽ നല്കിയ പരാതിയിൽ പറയുന്നു.പരാതിയുടെ അടിസ്ഥാനത്തിൽ പോലീസ് കേസ്സെടുത്ത് അന്വേഷണം ആരംഭിച്ചു.
Please follow and like us:
