കോൺഗ്രസ്സ് നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ എസ്എസ്എൽസി പരീക്ഷയിൽ ഉന്നതവിജയം നേടിയ വിദ്യാർഥികളെ ആഗസ്റ്റ് 6 ന് ആദരിക്കുന്നു; പ്രതിപക്ഷനേതാവ് വി ഡി സതീശൻ മെറിറ്റ് ഡേ പരിപാടി ഉദ്ഘാടനം ചെയ്യും…
ഇരിങ്ങാലക്കുട: കോൺഗ്രസ്സ് ഇരിങ്ങാലക്കുട നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർഥികളെയും നൂറ് ശതമാനം വിജയം നേടിയ വിദ്യാലയങ്ങളെയും ആദരിക്കുന്നു. ആഗസ്റ്റ് 6 ന് രാവിലെ 9 ന് ടൗൺ ഹാളിൽ നടക്കുന്ന മെറിറ്റ് ഡേ പരിപാടി പ്രതിപക്ഷ നേതാവ് വി ഡി സതീശൻ ഉദ്ഘാടനം ചെയ്യുമെന്ന് സംഘാടകസമിതി ചെയർമാൻ എം പി ജാക്സൻ പത്രസമ്മേളനത്തിൽ അറിയിച്ചു.ഡിസിസി പ്രസിഡണ്ട് ജോസ് വള്ളൂർ അധ്യക്ഷത വഹിക്കുന്ന ചടങ്ങിൽ ടി എൻ പ്രതാപൻ എംപി മുഖ്യാതിഥി ആയി പങ്കെടുക്കും.ഉന്നത വിജയം നേടിയ ആയിരത്തോളം വിദ്യാർഥികളെയും 37 വിദ്യാലയങ്ങളെയുമാണ് ചടങ്ങിൽ ആദരിക്കുന്നത്. കൺവീനർമാരായ ടി വി ചാർലി, എ സി സുരേഷ്, സി എസ് അബ്ദുൾഹഖ്, പബ്ലിസിറ്റി കമ്മിറ്റി കൺവീനർ കെ കെ ചന്ദ്രൻ എന്നിവരും പത്രസമ്മേളനത്തിൽ പങ്കെടുത്തു.
