വെളയനാട് വാർഡ് ഉപതിരഞ്ഞെടുപ്പ്; യുഡിഎഫ് സീറ്റ് നിലനിറുത്തി; ബിജു പോളിൻ്റെ വിജയം 303 വോട്ടിൻ്റെ ഭൂരിപക്ഷത്തിന്…
ഇരിങ്ങാലക്കുട: വെള്ളാങ്ങല്ലൂർ പഞ്ചായത്തിൽ രണ്ടാം നമ്പർ വെളയനാട് വാർഡ് മികച്ച ഭൂരിപക്ഷത്തോടെ യുഡിഎഫ് നിലനിറുത്തി. യുഡിഫ് സ്ഥാനാർത്ഥി ബിജു പോൾ 303 വോട്ടിൻ്റെ ഭൂരിപക്ഷത്തിന് വെളയനാട് വാർഡിൻ്റെ പുതിയ സാരഥിയായി. യുഡിഎഫ് മെമ്പറും മുൻ പഞ്ചായത്ത് പ്രസിഡണ്ടുമായ അനിൽ മാന്തുരുത്തിയുടെ മരണത്തെ തുടർന്നാണ് വെളയനാട് വാർഡ് ഉപതിരഞ്ഞെടുപ്പിലേക്ക് നീങ്ങിയത്. അനിൽ മാന്തുരുത്തി നേടിയ 45 വോട്ടിൻ്റെ ഭൂരിപക്ഷം 303 ആക്കി വർധിപ്പിച്ചാണ് യുഡിഎഫ് സീറ്റ് നിലനിറുത്തിയിരിക്കുന്നത്.എൽഡിഎഫ് സ്ഥാനാർത്ഥി കെ കെ നൗഷാദിന് 349 ഉം സ്വതന്ത്ര്യ സ്ഥാനാർത്ഥി പ്രേംജിക്ക് 161 വോട്ടുമാണ് ലഭിച്ചത്.21 അംഗ പഞ്ചായത്ത് ഭരണസമിതിയിൽ എൽഡിഎഫിന് 13 ഉം യുഡിഎഫിന് 8 ഉം അംഗങ്ങളാണുള്ളത്.
Please follow and like us:
