പൊറത്തിശ്ശേരി മേഖലയിൽ മിനിഹൈമാസ്റ്റ് ലൈറ്റുകൾ; സ്ഥാപിച്ചത് മുൻ എംഎൽഎയുടെ ആസ്തി വികസന ഫണ്ടുപയോഗിച്ച്..
ഇരിങ്ങാലക്കുട :മുൻസിപ്പാലിറ്റിയിലെ പൊറത്തിശ്ശേരി, മാടായിക്കോണം,
തലയിണക്കുന്ന് ഭാഗങ്ങളിൽ എം എൽ എയുടെ ആസ്തി വികസന ഫണ്ടിൽ നിന്നും അനുവദിച്ച മിനി ഹൈമാസ്റ്റ് ലൈറ്റുകളുടെ സ്വിച്ച് ഓൺ ഉന്നത വിദ്യാഭ്യാസ മന്ത്രി ആർ ബിന്ദു നിർവഹിച്ചു. മുൻ എംഎൽഎ കെ യു അരുണന്റെ 2019-20 വർഷത്തെ ആസ്തി വികസന ഫണ്ട്‌ 3.5 ലക്ഷം രൂപ ചെലവഴിച്ച് സ്ഥാപിച്ചവയാണ് ഇവ. ഇരിങ്ങാലക്കുട ബ്ലോക്ക് പൊറത്തിശ്ശേരി വഴിയിൽ നടന്ന ചടങ്ങിൽ ജനപ്രതിനിധികളായ ലേഖ ഷാജൻ, സി എം സാനി, വിവിധ രാഷ്ട്രീയ പാർട്ടികളുടെ പ്രതിനിധികൾ എന്നിവർ പങ്കെടുത്തു. തലയിണക്കുന്നിൽ കെ യു വാസുദേവൻ അധ്യക്ഷനായ ചടങ്ങിൽ എം ബി രാജു മാസ്റ്റർ സ്വാഗതവും ആലുങ്ങൽ ഉണ്ണികൃഷ്ണൻ നന്ദിയും പറഞ്ഞു. മാടായിക്കോണം അച്ചുതൻ നായർ മൂലയിൽ അംബിക പള്ളിപ്പുറത്ത് അധ്യക്ഷയായ ചടങ്ങിൽ കെ കെ ദാസൻ സ്വാഗതവും ആർച്ച അനീഷ് നന്ദിയും പറഞ്ഞു.
