മൂന്നൂറ് പാക്കറ്റ് പാൻപരാഗുമായി കുഴിക്കാട്ടുക്കോണം സ്വദേശിയായ യുവാവ് ഇരിങ്ങാലക്കുട പോലീസിൻ്റെ പിടിയിൽ…
ഇരിങ്ങാലക്കുട: മൂന്നൂറ് പാക്കറ്റ് പാൻപരാഗുമായി യുവാവ് ഇരിങ്ങാലക്കുട പോലീസിൻ്റെ പിടിയിൽ. കുഴിക്കാട്ടുക്കോണം ചെമ്പാറ വീട്ടിൽ മണികണ്ഠൻ (39 വയസ്സ്) നെയാണ് സി ഐ എസ് പി സുധീരൻ്റെ നിർദ്ദേശാനുസരണം എസ് ഐ എം എസ് ഷാജൻ്റെ നേത്യത്വത്തിലുള്ള പോലീസ് സംഘം ക്രൈസ്റ്റ് കോളേജ് പരിസരത്ത് നിന്ന് അറസ്റ്റ് ചെയ്തത്. കാറിൽ സഞ്ചരിച്ചായിരുന്നു വില്പനയെന്ന് പോലീസ് പറഞ്ഞു.മുൻപും സമാനമായ കേസിൽ ഇയാൾ പിടിയിലായിട്ടുണ്ടെന്നും പോലീസ് അറിയിച്ചു. ഉദ്യോഗസ്ഥരായ ശ്രീലാൽ, ഫൈസൽ, ജോസഫ്, രാഹുൽ, ജസ്റ്റിൻ, ദാസ് എന്നിവരും അന്വേഷണ സംഘത്തിൽ ഉണ്ടായിരുന്നു.
Please follow and like us:
