മതിലകം പൊരിബസാറിൽ മാരക മയക്കുമരുന്നുമായ എംഡിഎമ്മുമായി യുവാക്കൾ പോലീസിന്റെ പിടിയിൽ
മതിലകം: അതിമാരക മയക്കുമരുന്നായ എംഡിഎമ്മുമായി രണ്ട് പേരെ മതിലകം പോലീസ് സ്റ്റേഷൻ പരിധിയിലെ പൊരിബസാറിൽ നിന്നും കൊടുങ്ങല്ലൂർ ഡിവൈഎസ്പി സലീഷ് എൻ ശങ്കരന്റെ നേതൃത്വത്തിലുള്ള പ്രത്യേക പോലീസ് സംഘം പിടികൂടി.
തൃശൂർ റൂറൽ ജില്ലാ പോലീസ് മേധാവി ഐശ്വര്യ ഡോങ്രെ ഐപിഎസി ന് ലഭിച്ച രഹസ്യവിവരത്തെ തുടർന്ന് പ്രത്യേക പോലീസ് സംഘം ദേശീയ പാതയിൽ പൊരിബസാറിൽ നടത്തിയ വാഹന പരിശോധനക്കിടെയാണ്
കൊടുങ്ങല്ലൂർ കോതപറമ്പ് ത്രീപ്രയാറ്റ് വീട്ടിൽ കാർത്തിക് (22),കൊടുങ്ങല്ലൂർ ചെന്തെങ്ങ് ബസാറിൽ ചേരുളിൽ ശ്രീരാജ് (19) എന്നിവരെ
ഡിവൈഎസ് പി സലീഷ് എൻ ശങ്കരന്റെ നേതൃത്വത്തിൽ മതിലകം സി ഐഷൈജു, എസ് ഐ വിമൽ, കൊടുങ്ങല്ലൂർ ക്രൈം സ്ക്വാഡ് എസ് ഐ സുനിൽ പി സി, ഉദ്യോഗസ്ഥരായ ഗോപി, സി ആർ പ്രദീപ്, ഷൈൻ. ടി ആർ, ലിജു ഇയ്യാനി, മിഥുൻ.ആർ കൃഷ്ണ, അരുൺ നാഥ്‌, നിഷാന്ത് എ ബി ഷിഹാബ്, ആന്റണി, ഷിജു എന്നിവർ ചേർന്ന് അറസ്റ്റ്‌ ചെയ്തത്. ചില്ലറ വിൽപ്പനക്കായി മയക്കുമരുന്ന് കൊണ്ടുവരുന്നതിനിടെയാണ് പ്രതികൾ പോലീസ് പിടിയിലായത്.പ്രതികൾക്ക് മയക്കുമരുന്ന് ലഭിച്ച ഉറവിടത്തെപറ്റിയും പ്രതികളുമായി മയക്കുമരുന്ന് ഇടപാട് നടത്തുന്നവരെയും പ്രതികൾക്ക് ഇതിന് വേണ്ടി സാമ്പത്തിക സഹായം നൽകിയവരെയും കുറിച്ച് പോലീസ് അന്വേഷണം തുടങ്ങിയിട്ടുണ്ട്.
