വിഷു ആയിട്ടും ശമ്പളം ലഭിക്കാത്ത കെഎസ്ആർടിസി ജീവനക്കാർക്ക് വിഷുക്കൈനീട്ടം നൽകി എഐവൈ എഫ് പ്രവർത്തകർ..
ഇരിങ്ങാലക്കുട: മലയാളികൾ സന്തോഷത്തിന്റേയും സമ്പൽസമൃദ്ധിയുടെയും വിഷു ആഘോഷിക്കുമ്പോൾ കഴിഞ്ഞ മാസത്തിലെ ശമ്പളം പോലും ലഭിക്കാതെ കെഎസ്ആർടിസി ജീവനക്കാർ വലയുന്ന സാഹചര്യത്തിൽ എ ഐ വൈ എഫ് ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ വിഷുക്കൈനീട്ടം നൽകി.സാമൂഹ്യ സുരക്ഷാ പെൻഷൻ ഉൾപ്പെടെ കൃത്യമായി ജനങ്ങളിലേക്ക് സർക്കാർ എത്തിക്കുമ്പോഴും വിഷുദിനത്തിൽ പോലും ആത്മാർത്ഥതയോടെ ജോലി ചെയ്യുന്ന ജീവനക്കാരെ അവഗണിക്കരുതെന്നും സർക്കാർ ഈ വിഷയത്തിൽ അടിയന്തരമായി ഇടപെട്ട് വേണ്ട നടപടിയെടുക്കണമെന്നും എഐവൈഎഫ് തൃശ്ശൂർ ജില്ലാ വൈസ് പ്രസിഡണ്ട് ടി വി വിബിൻ ആവശ്യപ്പെട്ടു. ജില്ലാ കമ്മിറ്റി അംഗം പി.എസ് ശ്യാംകുമാർ,മണ്ഡലം എക്സിക്യൂട്ടീവ് അംഗങ്ങളായ മിഥുൻ പോട്ടക്കാരൻ, ഗാവരോഷ് മണ്ഡലം കമ്മിറ്റി അംഗം എൻ കെ ഹരി, ടൗൺ മേഖല കമ്മിറ്റി അംഗം അനന്തകൃഷ്ണൻ എന്നിവർ പങ്കെടുത്തു
