ഇരിങ്ങാലക്കുട നഗരസഭ സിഡിഎസ് തിരഞ്ഞെടുപ്പുകളിൽ എൽഡിഎഫിന് മേധാവിത്വം.
ഇരിങ്ങാലക്കുട: ഇരിങ്ങാലക്കുട നഗരസഭ സിഡിഎസ് തിരഞ്ഞെടുപ്പുകളിൽ എൽഡിഎഫിന് മേധാവിത്വം.സിഡിഎസ് നമ്പർ ഒന്നിൻ്റെ ചെയർപേഴ്സനായി എൽഡിഎഫിലെ ടി കെ പുഷ്പാവതിയും വൈസ് – ചെയർപേഴ്സനായി എൽഡിഎഫിലെ കാഞ്ചന ക്യഷ്ണനെയും തിരഞ്ഞെടുത്തു.ചെയർപേഴ്സൻ തിരഞ്ഞെടുപ്പിൽ ടി കെ പുഷ്പാവതിക്കും എതിർ സ്ഥാനാർഥി യുഡിഎഫിലെ സുരഭി വിനോദിനും 11 വോട്ടുകൾ ലഭിച്ചതിനെ തുടർന്ന് നറുക്കെടുപ്പിലൂടെയാണ് ടി കെ പുഷ്പാവതിയെ തിരഞ്ഞെടുത്തത്.ഒരു വോട്ട് അസാധുവായി. വൈസ് – ചെയർപേഴ്സൻ തിരഞ്ഞെടുപ്പിൽ കാഞ്ചന ക്യഷ്ണന് 13 ഉം എതിർസ്ഥാനാർഥി യുഡിഎഫിലെ സിനി സുനിലിന് 10 വോട്ടും ലഭിച്ചു.
സിഡിഎസ് രണ്ടിൽ ചെയർപേഴ്സനായി വീണ്ടും എൽഡിഎഫിലെ ഷൈലജ ബാലനെ വീണ്ടും തിരഞ്ഞെടുത്തു. എൽഡിഎഫിലെ ഗീത മണികണ്ഠനാണ് വൈസ് – ചെയർപേഴ്സൺ. രണ്ട് സ്ഥാനങ്ങളിലേക്കും ഐക്യകണ്ഠ്യേന ആയിരുന്നു തിരഞ്ഞെടുപ്പ്.
