വാഹനാപകടത്തിൽ മാപ്രാണം സ്വദേശിയായ വ്യാപാരി മരിച്ചു.
ഇരിങ്ങാലക്കുട: ബൈക്കും കാറും കൂട്ടിയിടിച്ച് ബൈക്ക് യാത്രികനായ വ്യാപാരി മരിച്ചു. മാപ്രാണം ചിറയത്ത് കള്ളാപറമ്പിൽ കൊച്ചുവാറു മകൻ ജോയ്സൻ (47) ആണ് മരിച്ചത് .ഇന്ന് മൂന്ന് മണിയോടെ മാപ്രാണം സെൻ്ററിൽ വച്ചായിരുന്നു അപകടം. ഉടനെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. വൈകീട്ട് 7 മണിയോടെയാണ് മരണം സംഭവിച്ചത്. ലില്ലിയാണ് അമ്മ.ജിറ്റിയാണ് ഭാര്യ. ജോവിയൻ, ജോജിൻ എന്നിവർ മക്കളാണ്. ഠാണാവിൽ മൊബൈൽ ഷോപ്പ് നടത്തി വരികയായിരുന്നു ജോയ്സൻ. ഉച്ചഭക്ഷണം കഴിഞ്ഞ് കടയിലേക്ക് മടങ്ങുമ്പോഴായിരുന്നു അപകടം. ഇരിങ്ങാലക്കുട പോലീസ് തുടർ നടപടികൾ സ്വീകരിച്ചു.
Please follow and like us:
