കോവിഡ് നിയന്ത്രണങ്ങൾ പാലിച്ച് ഇരിങ്ങാലക്കുട മേഖലയിലെ റിപ്പബ്ലിക് ദിനാഘോഷങ്ങൾ.. ഇരിങ്ങാലക്കുട: കോവിഡ് നിയന്ത്രണങ്ങൾ പാലിച്ച് മേഖലയിലെ റിപ്പബ്ലിക് ദിനാഘോഷങ്ങൾ. സിവിൽ സ്റ്റേഷൻ അങ്കണത്തിൽ നടന്ന ചടങ്ങിൽ തഹസിൽദാർ പി കെ ശ്രീരാജ്കുമാർ ദേശീയപതാക ഉയർത്തി റിപ്പബ്ലിക് ദിന സന്ദേശം നല്കി. വിവിധ വകുപ്പ് മേധാവികൾ, ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു. മുനിസിപ്പൽ മൈതാനത്ത് നടന്ന നഗരസഭതല പരിപാടിയിൽ ചെയർപേഴ്സൻ സോണിയഗിരി പതാക ഉയർത്തി. കൗൺസിലർമാർ, ഉദ്യോഗസ്ഥർ, ജീവനക്കാർ തുടങ്ങിയവർ പങ്കെടുത്തു. രാജീവ് ഗാന്ധി മന്ദിരത്തിൽ നടന്ന ചടങ്ങിൽ കെപിസിസി മുൻ ജനറൽ സെക്രട്ടറി എം പി ജാക്സൻ ദേശീയപതാക ഉയർത്തി. ബ്ലോക്ക് കോൺഗ്രസ്സ് പ്രസിഡണ്ട് ടി വി ചാർലി അധ്യക്ഷത വഹിച്ചു. ബ്ലോക്ക്, മണ്ഡലം ഭാരവാഹികൾ പങ്കെടുത്തു.