” ദി ലോ ” മികച്ച ചിത്രം; ശിവജി ഗുരുവായൂർ മികച്ച നടൻ;അനിൽ കാരംകുളം മികച്ച സംവിധായകൻ..
തൃശ്ശൂർ:സ്ക്രീൻ ടച്ച് ടാലന്റ് സ്റ്റുഡിയോയും മോളിവുഡ് മൂവി ലൗവേഴ്സ്
ഫോറവും സംഘടിപ്പിച്ച് വരുന്ന കേരള ഷോർട്ട് ഫിലിം ലീഗ് സീസൺ – 2 ഫിലിം
അവാർഡ് പ്രഖ്യാപിച്ചു. വാലപ്പൻ ക്രിയേഷൻസിന്റെ ബാനറിൽ ഷാജു വാലപ്പൻ നിർമ്മിച്ച “ദി ലോ’ എന്ന ഷോർട്ട് ഫിലിം ഏറ്റവും നല്ല ചിത്രത്തിനുള്ള
അവാർഡ് കരസ്ഥമാക്കി.
നീതി വ്യവസ്ഥയോടും സമൂഹത്തോടും തികഞ്ഞ നീതി പുലർത്തുകയും തന്റെ ജോലിയിൽ സ്വന്തം മകനായാൽ പോലും നീതി വ്യവസ്ഥക്ക് എതിരായാൽ വിട്ടുവീഴ്ചക്ക് തയ്യാറാകാത്ത ക്രിമിനൽ വക്കീലിന്റെ കഥ
പറയുന്നതാണ് “ദി ലോ’. മയക്കുമരുന്നിലൂടെ കൊലപാതകത്തിൽ എത്തിച്ചേർന്ന
മകനെ രക്ഷിക്കാൻ പഴുതുകളേറെയുണ്ടായിട്ടും സ്വന്തം മകനായാൽ പോലും രക്ഷിക്കാതെ കൊലപാതകത്തിന് പരമാവധി ശിക്ഷ വാങ്ങി കൊടുക്കുന്നതാണ് കഥ.
ഇന്നത്തെ കാലഘട്ടത്തിൽ വിദ്യാർത്ഥികളും യുവാക്കളും മയക്കുമരുന്നിന് അടിമപ്പെട്ട് ക്രിമിനൽ കേസുകളിൽ ചെന്ന് ചാടാതിരിക്കാനുള്ള സന്ദേശവും കഥയിലുണ്ട്.
“ദി ലോ’ യിലെ അഭിനയത്തിന് പ്രശസ്ത സിനിമ സീരിയിൽ നടൻ ശിവജി ഗുരു
വായൂർ ഏറ്റവും നല്ല നടനുള്ള അവാർഡിന് അർഹനായി..ഈ ഷോർട്ട് ഫിലിം കഥ എഴുതി സംവിധാനം ചെയ്ത സിനിമാ സംവിധായകനായ അനിൽ കാരകുളം മികച്ച സംവിധാനത്തിനുള്ള അവാർഡിന് അർഹനായി.“ദി ലോ’ യിൽ സിനിമസീരിയൽ താരങ്ങളായ അംബികാ മോഹൻ, പത്രപ്രവർത്തകനും ചിത്രത്തിന്റെ കോ പ്രൊഡ്യൂസറുമായ ജോസ് മാമ്പിള്ളി,ഷിജു ചാലക്കുടി,
സജിനി കൊടകര, സോന, വിഷ്ണു എന്നിവരും അഭിനയിച്ചിട്ടുണ്ട്.
സിനിമാ സീരിയൽ രംഗത്തെ പ്രമുഖരായിരുന്നു
ജൂറി. ഫെബ്രുവരി 26ന് കണ്ണൂരിൽ സംഘടിപ്പിക്കുന്ന സമ്മേളനത്തിൽ അവാർഡ്
വിതരണം ചെയ്യും.
