ഇരിങ്ങാലക്കുട: റോഡ് ക്രോസ്സ് ചെയ്യുന്നതിനിടയിൽ ആംബുലൻസ് ഇടിച്ച് കരൂപ്പടന്ന സ്വദേശിനിയായ വയോധിക മരിച്ചു.
കരൂപ്പടന്ന പള്ളിനട ചുണ്ടേക്കാട്ടിൽ സെയ്തുമുഹമ്മദ് ഭാര്യ ജമീല (67) ആണ് മരിച്ചത്. രാവിലെ 10 ന് വെള്ളാങ്ങല്ലൂർ ബ്ലോക്ക് ജംഗ്ഷനിൽ വച്ചായിരുന്നു അപകടം. പ്രാഥമിക ആരോഗ്യ കേന്ദ്രത്തിലേക്ക് പോകാനായി ബസ്സിറങ്ങി റോഡ് ക്രോസ്സ് ചെയ്യുമ്പോൾ, കൊടുങ്ങല്ലൂർ ഭാഗത്ത് നിന്ന് വന്ന ആംബുലൻസ് ഇടിക്കുകയായിരുന്നു .ഇരിങ്ങാലക്കുട താലൂക്ക് ആശുപത്രിയിൽ ഉടൻ എത്തിച്ചെങ്കിലും ജീവൻ രക്ഷിക്കാനായില്ല. അബ്ദുൾസലാം, മുഹമ്മദ് സഗീർ, സൈനുദ്ദീൻ, ഷഹിന എന്നിവർ മക്കളും മുംതാസ്, സബിത, ഹസീന, റഹിം എന്നിവർ മരുക്കളുമാണ് .കബറടക്കം നാളെ 9 ന് വെള്ളാങ്ങല്ലൂർ പള്ളിയിൽ നടത്തും.
Please follow and like us:
