പുരോഗമന കലാസാഹിത്യ സംഘത്തിൻ്റെ നേത്യത്വത്തിൽ പട്ടണത്തിൽ ‘കാവ്യസന്ധ്യ’ ..
ഇരിങ്ങാലക്കുട: പുരോഗമന കലാസാഹിത്യ സംഘം ടൗൺ യൂണിറ്റ് സംഘടിപ്പിച്ച കാവ്യസന്ധ്യയിൽ കവി ഡോ.സി.രാവുണ്ണിയുടെ മഹാത്മ ഗ്രന്ഥശാല,മാറ്റുദേശം എന്ന കവിതയുടെ അവതരണവും കവിതയുടെ കാലികപ്രസക്തിയെക്കുറിച്ചുള്ള ചർച്ചയും
കവിയുടേയും കവിതയിലെ കഥാപാത്രത്തിന്റേയും സാന്നിദ്ധ്യത്തിൽ നടന്നു.എൻ.ബി.എസ് ബുക്ക് സ്റ്റാൾ അങ്കണത്തിൽ നടന്ന ചടങ്ങിൽ ഡോ.കെ.പി. ജോർജ് അദ്ധ്യക്ഷതവഹിച്ചു. ഖാദർ പട്ടേപ്പാടം പരിപാടി ഉദ്ഘാടനം നിർവഹിച്ചു.കവയിത്രി റെജില ഷെറിൻ കവിത അവതരണം നടത്തി. പ്രൊഫ.സാവിത്രി ലക്ഷ്മണൻ, ഡോ.സി.രാവുണ്ണി, ജയൻ അവണൂർ, സുനിൽ പി.എൻ, ദീപ ആന്റണി, പ്രൊഫ.ലക്ഷ്മണൻ നായർ, ശ്രീല.വി.വി, രതി കല്ലട, ഡോ.മുഹമ്മദ് അഷ്റഫ്, ജോസ് മഞ്ഞില, രാധാകൃഷ്ണൻ വെട്ടത്ത് എന്നിവർ ചർച്ചയിൽ പങ്കെടുത്ത് സംസാരിച്ചു.
കെ.എച്ച്.ഷെറിൻ അഹമ്മദ് സ്വാഗതവും ഗോകുൽ രാജീവ് നന്ദിയും പറഞ്ഞു.
