കിഴുത്താണിയിൽ നിറുത്തിയിട്ടിയിരുന്ന ഗുഡ്സ് ടെംപോ വാന്‍ കത്തി നശിച്ചു.
ഇരിങ്ങാലക്കുട: റോഡരികില്‍ നിറുത്തിയിട്ടിരുന്ന ഗുഡ്സ് ടെംപോ വാന്‍ കത്തി നശിച്ചു. ബുധനാഴ്ച രാവിലെയായിരുന്നു സംഭവം. കാറളം കിഴുത്താണി മനപ്പടി ചിറയത്ത് വീട്ടില്‍ പോളിന്റെ ഉടമസ്ഥതയിലുള്ളതാണ് ഗുഡ്സ് ടെംപോ വാന്‍. വാഹനം സ്വയം പുറകിലേക്ക് ചലിക്കുകയും ഷോര്‍ട്ട് സര്‍ക്യൂട്ട് മൂലം തീ പടരുകയുമായിരുന്നുവെന്ന് സമീപവാസികൾ പറഞ്ഞു.തീയും പുകയും ഉയരുന്നതു കണ്ട സമീപവാസികള്‍ തീ അണക്കുന്നതിനുള്ള ശ്രമങ്ങള്‍ നടത്തിയിരുന്നു. സമീപത്തു കിടന്നിരുന്ന രണ്ട് ടെംപോ ട്രാവല്ലറുകള്‍ക്ക് അപായമുണ്ടായില്ല. ഉടന്‍ തന്നെ ഇരിങ്ങാലക്കുടയില്‍ നിന്നുള്ള ഫയര്‍ഫോഴ്‌സ് സംഘം എത്തി തീ അണക്കുകയായിരുന്നു. രണ്ട് ലക്ഷം രൂപയുടെ നഷ്ടം കണക്കാക്കുന്നു.
Please follow and like us:
