കുർബാന എകീകരണം; കടുപ്പശ്ശേരി പള്ളിയിൽ ഇടയലേഖനം വായിക്കാത്തതിൽ പ്രതിഷേധവുമായി വിശ്വാസികൾ.
ഇരിങ്ങാലക്കുട: കുർബാന എകീകരണവുമായി ബന്ധപ്പെട്ട ഇടയലേഖനം കടുപ്പശ്ശേരി തിരുഹൃദയ ദേവാലയത്തിൽ വായിക്കാത്തതിനെ ചൊല്ലി പ്രതിഷേധം. കഴിഞ്ഞ ദിവസത്തെ കുർബാനക്കിടയിൽ വൈദികൻ ഫാ. ജെയ്സൻ കുടിയിരിക്കൽ ഇടയലേഖനം വായിച്ചില്ലെന്നും കുർബാന പരിഷ്ക്കരണത്തിന് എതിരായുള്ള സീനിയർ വൈദികൻ്റെ ലേഖനം എതാനും ദിവസങ്ങൾക്ക് മുമ്പ് വായിക്കുകയും ചെയ്തതിലാണ് വിശ്വാസികൾ രാവിലെ ഏഴേകാലിന് പള്ളിമുറ്റത്ത് പ്ലക്കാർഡുകൾ ഉയർത്തി പ്രതിഷേധിച്ചത്. സിനഡിനും രൂപത മെത്രാനും പിന്തുണ പ്രഖ്യാപിച്ച് കൊണ്ടായിരുന്നു പ്രതിഷേധം. വൈദികന് എതിരെ രൂപത ബിഷപ്പിന് പരാതി നല്കിയിട്ടുണ്ടെന്നും മാർപ്പാപ്പയെ അനുസരിക്കാത്ത വൈദികനെ തങ്ങൾക്ക് ആവശ്യമില്ലെന്നും പ്രതിഷേധക്കാർ പറഞ്ഞു. ഒരു മണിക്കൂർ നീണ്ടു നിന്ന പ്രതിഷേധ പരിപാടിക്ക് ജോബി ജോർജ്, കെ പി ജോയ്, ഡേവീസ് ഇടപ്പിള്ളി, പി ജെ ജോസ് തുടങ്ങിയവർ നേത്യത്വം നല്കി.പ്രതിഷേധ സമയത്ത് വൈദികൻ പള്ളിയിൽ ഉണ്ടായിരുന്നില്ല.
