ഇരിങ്ങാലക്കുട നഗരസഭയുടെ ഭരണപരാജയങ്ങൾക്കെതിരെ ആം ആദ്മി പാർട്ടിയുടെ നേതൃത്വത്തിൽ നിരാഹാരസമരം
ഇരിങ്ങാലക്കുട :നഗരസഭയുടെ ഭരണപരാജയങ്ങൾക്കെതിരെ ആം ആദ്മി പാർട്ടിയുടെ നേതൃത്വത്തിൽ
നഗരസഭാ ഓഫീസിനു മുന്നിൽ ഏകദിന നിരാഹാര സമരം. രാവിലെ 10 മുതൽ വൈകീട്ട് ആറ് വരെ നീണ്ടു നിന്ന സമരം ജില്ലാ പ്രസിഡണ്ട് റാഫേൽ ടോണി ഉദ്ഘാടനം ചെയ്തു.കേന്ദ്ര സംസ്ഥാന സർക്കാരുകളുടെ പദ്ധതി വിഹിതങ്ങൾ നഷ്ടപ്പെടുത്തുന്ന നഗരസഭാ ഭരണാധികാരികളുടെ ദുർഭരണം തുറന്നുകാട്ടാൻ മടിക്കുന്ന പ്രതിപക്ഷ എൽഡിഎഫ് – ബി ജെ പി നിലപാടിനെതിരെയുമാണ് ആം ആദ്മി പാർട്ടിയുടെ പ്രതിഷേധമെന്ന് സമരക്കാർ പറഞ്ഞു.
നിരാഹാര സമരം അനുഷ്ഠിച്ച ജിജിമോൻ മാപ്രാണം, ഡിക്സൺ കൂവക്കാടൻ, വിൻസൻ്റ് കണ്ടംകുളത്തി, ഡോ. ഷാജു കെ വൈ,
ശ്രീനിവാസൻ മൂർക്കനാട്
എന്നിവരെ ഷാളുകൾ അണിയിച്ചു.
ജില്ലാ നേതാക്കളായ റാണി ജേക്കബ്, ജിജോ ജേക്കബ്, ബിന്നി പൊന്തേക്കൻ, ജോസഫ് ജോർജ് പുതുക്കാട്, ഗോവിന്ദൻ, ബിജോയ് മഞ്ഞളി, ജയാനന്ദൻ മാപ്രാണം, എന്നിവർ പ്രസംഗിച്ചു.
