ജീവകാരുണ്യപ്രവർത്തന ഫണ്ട് ശേഖരണാർത്ഥം തുറവൻകുന്ന് സെൻ്റ് ജോസഫ്സ് ഇടവക എകെസിസി യുടെ നേതൃത്വത്തിൽ നവംബർ 10 ന് ഫുട്ബോൾ ഷൂട്ട് ഔട്ട് മേള
ഇരിങ്ങാലക്കുട : തുറവൻകുന്ന് സെൻ്റ് ജോസഫ്സ് ഇടവക എകെസിസിയുടെ നേതൃത്വത്തിൽ നടത്തുന്ന ജീവ കാരുണ്യ പ്രവർത്തനങ്ങളുടെ ഫണ്ട് ശേഖരണാർത്ഥം നവംബർ 10 ന് ഫുട്ബോൾ ഷൂട്ട് ഔട്ട് മേള നടത്തുന്നു. തുറവൻകുന്ന് പള്ളി ഗ്രൗണ്ടിൽ നടക്കുന്ന മേള മുൻ ഇന്ത്യൻ ഫുട്ബോൾ ടീം ക്യാപ്റ്റൻ ജോ പോൾ അഞ്ചേരി ഉദ്ഘാടനം ചെയ്യുമെന്ന് വികാരി ഫാ സെബി കൂട്ടാലപറമ്പിൽ, ജനറൽ കൺവീനർ ജോസഫ് അക്കരക്കാരൻ എന്നിവർ പത്ര സമ്മേളനത്തിൽ അറിയിച്ചു. നവംബർ 17 ന് വൈകീട്ട് 6 ന് തുറവൻകുന്ന് സ്നേഹതീരം പാരീഷ് ഹാളിൽ നടക്കുന്ന അമ്മമാരെ ആദരിക്കൽ ചടങ്ങും ഫുട്ബോൾ മേളയുടെ സമ്മാനദാനവും ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു നിർവഹിക്കും. ചടങ്ങിൽ ഇടവകയിലെ മികച്ച കർഷകരെ ഡോ ആർ എൽ വി രാമകൃഷ്ണൻ ആദരിക്കും. തുടർന്ന് കൃഷ്ണകുമാർ ആലുവയുടെ നേതൃത്വത്തിൽ കലാപരിപാടികളും അരങ്ങേറും. എകെസിസി പ്രസിഡണ്ട് വിൽസൻ കരിപ്പായി, സെക്രട്ടറി ബെന്നി വിൻസെൻ്റ്, ട്രഷറർ ജോൺസൻ മാപ്രാണത്തുകാരൻ, കമ്മിറ്റി അംഗങ്ങളായ ദേവസ്സി തെക്കേക്കര, വിൻസൻ മഞ്ഞളി എന്നിവരും പത്ര സമ്മേളനത്തിൽ പങ്കെടുത്തു
