കുഡുംബി യുവജനസംഘത്തിൻ്റെ ഇരുപതാം സംസ്ഥാന സമ്മേളനം ഒക്ടോബർ 27 ന് ഇരിങ്ങാലക്കുടയിൽ
ഇരിങ്ങാലക്കുട : കുഡുംബി യുവജന സംഘത്തിൻ്റെ ഇരുപതാം സംസ്ഥാന സമ്മേളനം ഒക്ടോബർ 27 ന് ഇരിങ്ങാലക്കുട ഉണ്ണായിവാര്യർ സ്മാരക കലാനിലയം ഹാളിൽ നടക്കും. രാവിലെ 9.30 ന് ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു സമ്മേളനം ഉദ്ഘാടനം ചെയ്യും. സംസ്ഥാനത്തെ 222 ശാഖകളിൽ നിന്നായി ആയിരത്തോളം പേർ സമ്മേളനത്തിൽ പങ്കെടുക്കുമെന്ന് കെവൈഎസ് സംസ്ഥാന പ്രസിഡന്റ് എം ഡി അരുൺ, സ്വാഗത സംഘം വൈസ് ചെയർമാൻ എ പി മനുപ്രസാദ് എന്നിവർ പത്ര സമ്മേളനത്തിൽ അറിയിച്ചു. കുഡുംബി സമുദായത്തിൽ നിന്നും വിവിധ മേഖലകളിൽ നേട്ടങ്ങൾ കൈവരിച്ചവരെ സമ്മേളനത്തിൽ ആദരിക്കും. സമുദായത്തെ പട്ടിക വർഗ്ഗ ലിസ്റ്റിൽ ഉൾപ്പെടുത്തുന്നത് വരെ ഒരു ശതമാനം തൊഴിൽ സംവരണം സംസ്ഥാന സർക്കാർ അനുവദിക്കണമെന്ന് ആവശ്യം സമ്മേളനം ഉന്നയിക്കും. സംസ്ഥാന സെക്രട്ടറി കെ ആർ സുബ്രമണ്യൻ, വിനോദ് ഭാസ്കർ, രവീന്ദ്രനാഥ്, കൃഷ്ണേന്ദു, ഗോപിനാഥ് ടി എസ് എന്നിവരും പത്ര സമ്മേളനത്തിൽ പങ്കെടുത്തു.
