കരുവന്നൂരിൽ ബൈക്ക് തടഞ്ഞ് നിറുത്തി യാത്രികരെ അക്രമിച്ച സംഭവത്തിൽ മൂന്ന് പ്രതികൾ അറസ്റ്റിൽ
ഇരിങ്ങാലക്കുട :ബൈക്ക് യാത്രികരെ തടഞ്ഞു നിറുത്തി മരവടി കൊണ്ട് തലക്ക് അടിച്ച് കൊല്ലാൻ ശ്രമിച്ച പ്രതികളെ ഇരിങ്ങാലക്കുട പോലിസ് അറസ്റ്റ് ചെയ്തു. കരുവന്നൂർ വെട്ടുകുന്നത്തുകാവ് സ്വദേശികളായ മുരിങ്ങത്ത് വീട്ടിൽ സുധിൻ (26 വയസ്സ്) , പുരയാറ്റുപറമ്പിൽ ഗോകുൽ കൃഷ്ണ ( 26 വയസ്സ്) , ആറാട്ടുപ്പുഴ തലപ്പിള്ളി വീട്ടിൽ ദേവദത്തൻ ( 22 വയസ്സ്) എന്നിവർ ആണ് പിടിയിലായത്. മുൻവൈരാഗ്യത്തിൻ്റെ പേരിൽ കണക്കൻ കോട്ട സ്വദേശികളായ പേച്ചേരി വീട്ടിൽ സുധാകരൻ (45) , പേയിൽ വീട്ടിൽ സലീഷ് (40) എന്നിവരെയാണ് മൂന്നംഗസംഘം തടഞ്ഞ് നിറുത്തി അക്രമിച്ചത്. ഗുരുതരമായി പരിക്കേറ്റ ഇവർ മെഡിക്കൽ കോളേജിൽ ചികിൽസയിലാണ് . ശനിയാഴ്ച രാത്രി കരുവന്നൂർ ചേലക്കടവിൽ വച്ചായിരുന്നു സംഭവം. അറസ്റ്റിൽ ആയ പ്രതികളുടെ പേരിൽ നിരവധി കേസ്സുകളുണ്ടെന്നും ഒരു പ്രതി കൂടി കേസിൽ ഉൾപ്പെട്ടിട്ടുണ്ടെന്നും പോലീസ് പറഞ്ഞു. സ്റ്റേഷൻ ഹൗസ് ഓഫീസർ അനീഷ് കരീമിൻ്റെ നേതൃത്വത്തിൽ ഉള്ള അന്വേഷണ സംഘത്തിൽ എസ് ഐ മാരായ ക്ലീറ്റസ് , കെ പി രാജു, പ്രസന്നകുമാർ , സുധീഷ് , രാഹുൽ എ കെ,സുജിത്ത്, സജീഷ്.കെ.വി, രാജേഷ് എം കെ എന്നിവർ ഉണ്ടായിരുന്നു. കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു.
