തിരഞ്ഞെടുപ്പ് കഴിയുന്നതോടെ മുറുക്കി ഉടുക്കാൻ മുണ്ട് പോലും ഇല്ലാത്ത അവസ്ഥയിൽ കോൺഗ്രസ്സ് എത്തിച്ചേരുമെന്ന് ബിജെപി ദേശീയ വൈസ്-പ്രസിഡണ്ട് കെ കെ അബ്ദുള്ളക്കുട്ടി.
ഇരിങ്ങാലക്കുട : തിരഞ്ഞെടുപ്പ് കഴിയുന്നതോടെ മുറുക്കി ഉടുക്കാൻ മുണ്ട് പോലും ഇല്ലാത്ത അവസ്ഥയിൽ കോൺഗ്രസ്സ് എത്തിച്ചേരുമെന്ന് ബിജെപി ദേശീയ വൈസ്-പ്രസിഡണ്ട് കെ കെ അബ്ദുള്ളക്കുട്ടി. എൻഡിഎ ഇരിങ്ങാലക്കുട നിയോജക മണ്ഡലം തിരഞ്ഞെടുപ്പ് കൺവെൻഷൻ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം . കോൺഗ്രസ് പ്രവർത്തകരോട് മുണ്ടു മുറുക്കി ഉടുക്കാനാണ് രാഹുൽ ഗാന്ധി പറയുന്നത്.60 കൊല്ലം ഭരിച്ച കോൺഗ്രസ്സ് നേതാക്കൾ അഴിമതി നടത്തി പണം സ്വന്തം പോക്കറ്റിലാക്കുകയായിരുന്നു.
കോൺഗ്രസ്സിന്
ദില്ലിയിൽ ഒരു ഓഫീസ് പോലുമില്ല. പക്ഷെ ചിദംമ്പരത്തിന് യൂറോപ്പിൽ ഫാം ഹൗസുകൾ ഉണ്ട്.രാഹുൽ ഗാന്ധിയുടെ പുതിയാപ്പിള
റോബർട്ട് വദ്രയ്ക്ക്
ഇംഗ്ലണ്ടിൽ കൊട്ടാര സദൃശമായ ഫ്ലാറ്റുകൾ ഉണ്ട്. ഈ രണ്ടാളിൽ നിന്ന് മാത്രം സംഭാവന വാങ്ങിയാൽ ഇലക്ഷൻ ഫണ്ട് ആവശ്യത്തിന് കോൺഗ്രസ്സിന് ലഭിക്കും. പൊതുപ്രവർത്തനത്തെ സേവന പ്രവർത്തനം ആക്കി മാതൃക സൃഷ്ടിച്ച ആളാണ് സുരേഷ് ഗോപി എന്ന് അബ്ദുള്ളക്കുട്ടി ചൂണ്ടിക്കാട്ടി.
ഠാണാ പൂതംകുളം മൈതാനിയിൽ വച്ച് നടന്ന കൺവെൻഷനിൽ
എൻ ഡി എ ഇരിങ്ങാലക്കുട നി:മണ്ഡലം ചെയർമാൻ കൃപേഷ് ചെമ്മണ്ട അദ്ധ്യക്ഷത വഹിച്ചു.എൻ ഡി എ നേതാക്കളായ കെ പി സരേഷ്,പി കെ പ്രസന്നൻ,ജയചന്ദ്രൻ,പി എസ് സുബീഷ്,
അഡ്വ റൈജോ മംഗലൻ,കവിതാ ബിജു, സന്തോഷ് ചെറാക്കുളം, കെ സി വേണുമാസ്റ്റർ, ഷൈജു കുറ്റിക്കാട്ട്, എ വി രാജേഷ്,വിപിൻ പാറമേക്കാട്ടിൽ, നന്ദനൻ എന്നിവർ സംസാരിച്ചു.
