പൊറത്തിശ്ശേരി മഹാത്മാ യു പി സ്കൂളിന് പാചകപ്പുരയും സ്റ്റോർ മുറിയുമായി; നിർമ്മാണം കേന്ദ്ര-സംസ്ഥാന സർക്കാരുകളുടെ ഫണ്ടിൽ നിന്നുള്ള 858976 രൂപ ഉപയോഗിച്ച് …
ഇരിങ്ങാലക്കുട : പൊറത്തിശ്ശേരി മഹാത്മാ യുപി സ്കൂളിൽ പാചകപ്പുരയും സ്റ്റോറും സജ്ജമായി. കേന്ദ്ര-സംസ്ഥാന സർക്കാരുകളുടെ ഫണ്ട് ഉപയോഗിച്ച് 858976 രൂപ ചിലവഴിച്ചാണ് 300 ചതുരശ്ര അടിയുള്ള കെട്ടിട നിർമ്മാണം നിർമ്മിച്ചത്. ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു പാചകപ്പുരയുടെയും സ്റ്റോറിൻ്റെയും ഉദ്ഘാടനം നിർവ്വഹിച്ചു. നഗരസഭ ചെയർപേഴ്സൺ സുജ സഞ്ജീവ് കുമാർ അധ്യക്ഷത വഹിച്ചു. ചടങ്ങിൽ വാർഡ് കൗൺസിലറും ക്ഷേമകാര്യ ചെയർമാനുമായ സി. സി. ഷിബിൻ, കൗൺസിലർ എം. എസ്. സഞ്ജയ്‌, എഇഒ നിഷ എo. സി, നൂൺ മീൽ ഓഫീസർ മഹേഷ്‌, സ്കൂൾ മാനേജർ വി എം സുശിതാംബരൻ, പിടിഎ പ്രസിഡന്റ്‌ നിഖിൽ കൃഷ്ണ എന്നിവർ സംസാരിച്ചു. സ്കൂൾ പ്രധാന അധ്യാപിക ലിനി എം ബി സ്വാഗതവും ബിന്ദു ടി ജി നന്ദിയും പറഞ്ഞു.
