62-മത് കണ്ടംകുളത്തി ഫുട്ബോൾ ടൂർണ്ണമെൻ്റ്; തൃശ്ശൂർ സെൻ്റ് തോമസും കേരളവർമ്മയും വടക്കാഞ്ചേരി വ്യാസയും പഴഞ്ഞി എം ഡി കോളേജും സെമിയിൽ…
ഇരിങ്ങാലക്കുട : ക്രൈസ്റ്റ് കോളേജ് മൈതാനിയിൽ നടക്കുന്ന 62 -മത് കണ്ടംകുളത്തി ഫുട്ബോൾ ടൂർണമെൻ്റിൽ തൃശ്ശൂർ സെൻ്റ് തോമസും കേരളവർമ്മയും വടക്കാഞ്ചേരി വ്യാസയും പഴഞ്ഞി എം ഡി കോളേജും സെമിയിൽ പ്രവേശിച്ചു. ആദ്യ ക്വാർട്ടർ ഫൈനൽ മത്സരത്തിൽ തൃശ്ശൂർ സെന്റ് തോമസ് കോളേജ് തൃശ്ശൂർ സഫ കോളേജ് വളാഞ്ചേരിയെ 2-1 ന് പരാജയപ്പെടുത്തി. രണ്ടാമത്തെ ക്വാർട്ടർ ഫൈനലിൽ രണ്ട് ഗോളുകൾക്ക് ക്രൈസ്റ്റ് കോളേജ് ബി ടീമിനെ ശ്രീ കേരള വർമ കോളേജ് പരാജയപ്പെടുത്തി. ഉച്ചതിരിഞ്ഞു രണ്ട് മണിക്ക് നടന്ന മൽസരത്തിൽ വടക്കാഞ്ചേരി വ്യാസ കോളേജ് എസ് എൻ കണ്ണൂരിനെ 1-0 എന്ന സ്കോറിനു പരാജയപ്പെടുത്തി സെമി ഫൈനലിൽ പ്രവേശിച്ചു. അവസാന ക്വാർട്ടറിൽ പഴഞ്ഞി എം ഡി കോളേജ് പെനാൽറ്റിയിൽ 4 -2 ആതിഥേരായ ക്രൈസ്റ്റ് കോളേജിനെ പരാജയപ്പെടുത്തി. നാളെ രാവിലെ ഏഴു മണിക്ക് നടക്കുന്ന ഒന്നാം സെമിയിൽ സെന്റ് തോമസ് തൃശൂരും ശ്രീ കേരള വർമ കോളേജും മാറ്റുരയ്ക്കും. രണ്ട് മണിക്ക് രണ്ടാം സെമിയിൽ വടക്കാഞ്ചേരി വ്യാസയും എംഡി കോളേജ് പഴഞ്ഞിയും ഏറ്റുമുട്ടും.
