ഇരിങ്ങാലക്കുട ഷിവൽറി റിക്രിയേഷൻ ക്ലബ്ബിന്റെ വാർഷികവും പുതുവൽസരാഘോഷ പരിപാടികളും ഡിസംബർ 31 ന് …
ഇരിങ്ങാലക്കുട : ഇരിങ്ങാലക്കുട ഷിവൽറി റിക്രിയേഷൻ ക്ലബിന്റെ വാർഷികവും പുതുവൽസര ആഘോഷവും ഡിസംബർ 31 ന് നടക്കും. വൈകീട്ട് 6 ന് ക്ലബ് ഓഫീസ് പരിസരത്ത് നടക്കുന്ന പരിപാടികൾ ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്യുമെന്ന് ക്ലബ് രക്ഷാധികാരി അഡ്വ കെ ജി അനിൽ കുമാർ , നഗരസഭ കൗൺസിലർ സിജു യോഹന്നാൻ എന്നിവർ പത്രസമ്മേളനത്തിൽ അറിയിച്ചു. നഗരസഭ ചെയർപേഴ്സൺ സുജ സഞ്ജീവ്കുമാർ , സി ഐ അനീഷ് കരീം എന്നിവർ മുഖ്യാതിഥികളായി പങ്കെടുക്കും. നൂറോളം കുടുബങ്ങളാണ് ക്ലബിന്റെ പരിധിയിൽ വരുന്നത്. ക്ലബ്ബിലെ മുതിർന്ന അംഗങ്ങളെ ചടങ്ങിൽ ആദരിക്കും. തുടർന്ന് ക്ലബ്ബ് അംഗങ്ങളുടെ കലാപരിപാടികൾ, ജയരാജ് വാര്യർ ഷോ, ഇലകൾ പച്ച എന്ന പ്രൊഫഷണൽ നാടകം, ഗാനമേള എന്നിവ അരങ്ങേറും. സംഘാടകരായ ഉമ അനിൽകുമാർ , ഡേവീസ് പാച്ചൻ എന്നിവരും പത്ര സമ്മേളനത്തിൽ പങ്കെടുത്തു.
