എടക്കുളത്ത് സ്കൂട്ടറും ബൈക്കും കൂട്ടിയിടിച്ച് സ്കൂട്ടർ യാത്രികൻ മരിച്ചു…
ഇരിങ്ങാലക്കുട : എടക്കുളം കനാൽപ്പാലം പരിസരത്ത് സ്കൂട്ടറും ബൈക്കും കൂട്ടിയിടിച്ച് സ്കൂട്ടർ യാത്രികൻ മരിച്ചു. എടക്കുളം കരുവന്ത്ര വീട്ടിൽ കാർത്തികേയൻ മകൻ സാജ് റാം (51 ) ആണ് മരിച്ചത് . വൈകീട്ട് ഏഴ് മണിയോടെയായിരുന്നു അപകടം. ഭാര്യ സിമ്മിയോടൊത്ത് വീട്ടിലേക്ക് മടങ്ങുകയായിരുന്നു. പെരിഞ്ഞനം സ്കൂൾ അധ്യാപികയായ സിമ്മി പരിക്കേറ്റ് സഹകരണ ആശുപത്രിയിൽ ചികിത്സയിലാണ്. ബൈക്ക് ഓടിച്ചിരുന്ന എടക്കുളം പുളിയത്ത് വീട്ടിൽ വിപിന് (24) ഗുരുതരമായി പരിക്കേറ്റിട്ടുണ്ട്. ഇയാളെ സഹകരണ ആശുപത്രിയിൽ നിന്ന് ത്യശ്ശൂരിലെ സ്വകാര്യ ആശുപത്രിയിലേക്ക് പ്രവേശിപ്പിച്ചു. ദേവ്ദത്ത് മരണമടഞ്ഞ സാജ്റാമിന്റെ മകനാണ്. കാട്ടൂർ പോലീസ് തുടർ നടപടികൾ സ്വീകരിച്ചു.
Please follow and like us:
