ക്രൈസ്റ്റ് കോളേജ് എന്‍എസ്എസ് യൂണിറ്റിന് പുരസ്‌കാരം;
മികച്ച പ്രോഗ്രാം ഓഫീസര്‍ക്കും മികച്ച വളണ്ടിയര്‍ക്കുമുള്ള പുരസ്‌കാരങ്ങളും ക്രൈസ്റ്റ് കോളജിന് …
ഇരിങ്ങാലക്കുട: കോഴിക്കോട് സര്‍വ്വകലാശാലയിലെ മികച്ച നാഷണല്‍ സര്‍വ്വീസ് സ്‌കീം പ്രോഗ്രാം ഓഫീസര്‍, മികച്ച എന്‍എസ്എസ് വളണ്ടിയര്‍, മികച്ച എന്‍എസ്എസ് യൂണിറ്റ് എന്നിവക്കുള്ള പുരസ്‌കാരങ്ങള്‍ പ്രഖ്യാപിച്ചു. ഇരിങ്ങാലക്കുട ക്രൈസ്റ്റ് കോളജിലെ എന്‍എസ്എസ് യൂണിറ്റ് 2021 -22 അധ്യയന വര്‍ഷത്തിലെ മികച്ച എന്‍എസ്എസ് യൂണിറ്റിനുള്ള പുരസ്‌കാരം കരസ്ഥമാക്കി. മികച്ച പ്രോഗ്രാം ഓഫീസര്‍ക്കുള്ള പുരസ്‌കാരം ക്രൈസ്റ്റ് കോളജ് ജിയോളജി വിഭാഗം അധ്യാപകനായ പ്രൊഫ. ആര്‍. തരുണ്‍ ഏറ്റു വാങ്ങി. മികച്ച എന്‍എസ്എസ് വളണ്ടിയറിനുള്ള പുരസ്‌കാരം കോളജിലെ ബികോം വിദ്യാര്‍ഥിയായ ജോണ്‍ ജോജു കരസ്ഥമാക്കി. മികച്ച എന്‍എസ്എസ് യൂണിറ്റിനുള്ള പുരസ്‌കാരം ക്രൈസ്റ്റ് കോളജ് പ്രിന്‍സിപ്പല്‍ ഫാ. ഡോ. ജോളി ആന്‍ഡ്രൂസും യൂണിറ്റ് പ്രോഗ്രാം ഓഫീസര്‍ പ്രൊഫ വി.പി. ഷിന്റോയും ചേര്‍ന്ന് ഏറ്റു വാങ്ങി. ഇഎംഎസ് സെമിനാര്‍ കോംപ്ലക്‌സ്‌കില്‍ സംഘടിപ്പിച്ച സമ്മാനദാന ചടങ്ങില്‍ കോഴിക്കോട് സര്‍വ്വകലാശാല വൈസ് ചാന്‍സലര്‍ പ്രൊഫ ഡോ. എം.കെ. ജയരാജ് സമ്മാനദാനം നിര്‍വ്വഹിച്ചു.
