ഇരിങ്ങാലക്കുട നഗരസഭാതല കേരളോൽസവത്തിന് കൊടിയേറ്റി…
ഇരിങ്ങാലക്കുട : ഇരിങ്ങാലക്കുട നഗരസഭയുടെ നേതൃത്വത്തിൽ ഒക്ടോബർ 23 മുതൽ 29 വരെ നടക്കുന്ന കേരളോൽസവത്തിന് നഗരസഭ ചെയർപേഴ്സൺ സുജ സഞ്ജീവ്കുമാർ കൊടിയേറ്റി. നഗരസഭ ഓഫീസ് അങ്കണത്തിൽ നടന്ന ചടങ്ങിൽ വികസനകാര്യ സ്റ്റാന്റിംഗ് കമ്മിറ്റി ചെയർമാൻ ഫെനി എബിൻ അധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയർമാൻമാരായ അഡ്വ ജിഷ ജോബി, സി സി ഷിബിൻ, ജയ്സൻ പാറേക്കാടൻ, അംബിക പള്ളിപ്പുറത്ത്, കൗൺസിലർമാരായ പി ടി ജോർജ്ജ്, അൽഫോൺസ തോമസ്, നഗരസഭ സെക്രട്ടറി ഷാജിക് എം എച്ച് എന്നിവർ സംസാരിച്ചു. ഇതോടുബന്ധിച്ച് നടന്ന വിളംബര റാലിയിൽ ബോയ്സ് സ്കൂളിലെയും ക്രൈസ്റ്റ് വിദ്യാനികേതൻ സ്കൂളിലെയും വിദ്യാർഥികൾ പങ്കെടുത്തു.
Please follow and like us:
