ഗാന്ധിസ്മൃതി പദയാത്രയുമായി ശാന്തിനികേതൻ പബ്ലിക് സ്കൂളിലെ വിദ്യാർഥികൾ …
ഇരിങ്ങാലക്കുട : ഗാന്ധിയൻ സ്മൃതികൾ ഇല്ലാതാക്കാൻ ആസൂത്രിത ശ്രമങ്ങൾ നടക്കുന്ന കാലത്ത് ഗാന്ധി സ്മൃതി പദയാത്രയുമായി വിദ്യാർഥികൾ . ഇരിങ്ങാലക്കുട ശാന്തിനികേതൻ പബ്ലിക് സ്കൂളിൽ നടന്നു വരുന്ന ഗാന്ധി ജയന്തി ദിനാചരണങ്ങളുടെ ഭാഗമായിട്ടാണ് പട്ടണതിൽ ഗാന്ധി സ്മൃതി പദയാത്ര സംഘടിപ്പിച്ചത്. രാവിലെ ഠാണാവിൽ നിന്ന് ആരംഭിച്ച പദയാത്രയിൽ എഴുനൂറിൽപരം വിദ്യാർഥികളാണ് ഗാന്ധിജിയുടെയും കസ്തൂർബയുടെയും വേഷം ധരിച്ച് പദയാത്രയിൽ പങ്കെടുത്തത്. ഗാന്ധിയൻ സന്ദേശങ്ങൾ അടങ്ങുന്ന പ്ലാക്കാർഡുകളും ഉയർത്തിപ്പിടിച്ചായിരുന്നു പദയാത്ര. വിദ്യാർഥികളോടൊപ്പം സ്കൂളിലെ മുഴുവൻ അധ്യാപകരും ജീവനക്കാരും പദ യാത്രയിൽ പങ്കാളികളായി. ശ്രീനാരായണ എഡ്യുക്കേഷണൽ സൊസൈറ്റി പ്രസിഡണ്ട് കെ കെ കൃഷ്ണാനന്ദബാബു, വൈസ്- ചെയർമാൻ പി കെ പ്രസന്നൻ ,എസ്എംസി ചെയർമാൻ പി എസ് സുരേന്ദ്രൻ , മാനേജർ എം എസ് വിശ്വനാഥൻ , സ്കൂൾ പ്രിൻസിപ്പാൾ പി എൻ ഗോപകുമാർ എന്നിവർ നേത്യത്വം നൽകി.
