നന്മ ഇരിങ്ങാലക്കുട മേഖല കൺവെൻഷനും കുടുംബസംഗമവും നാളെ എസ് എൻ ക്ലബ് ഹാളിൽ …
ഇരിങ്ങാലക്കുട : മലയാള കലാകാരൻമാരുടെ സംഘടനയായ ‘നന്മ’ യുടെ ഇരിങ്ങാലക്കുട മേഖല കൺവെൻഷനും കുടുംബ സംഗമവും സെപ്തംബർ 29 ന് ഇരിങ്ങാലക്കുട എസ് എൻ ക്ലബ് ഹാളിൽ നടക്കും. 2 ന് ആരംഭിക്കുന്ന കൺവെൻഷൻ സംഗീത സംവിധായകൻ വിദ്യാധാരൻ മാസ്റ്റർ ഉദ്ഘാടനം ചെയ്യുമെന്ന് മേഖല പ്രസിഡണ്ട് ഭരതൻ കണ്ടേങ്കാട്ടിൽ, സംസ്ഥാന ട്രഷറർ മനോമോഹനൻ എന്നിവർ പത്രസമ്മേളനത്തിൽ അറിയിച്ചു. വിവിധ മേഖലകളിൽ സാന്നിധ്യം തെളിയിച്ച സദനം കൃഷ്ണൻകുട്ടി, കലാനിലയം രാഘവൻ , എം മോഹൻദാസ് , പി കെ ഭരതൻമാസ്റ്റർ, ജിതിൻ രാജ്, ജൂനിയർ ഡാവിഞ്ചി തുടങ്ങിയവരെ ചടങ്ങിൽ ആദരിക്കും. അംഗങ്ങളും കുടുംബാംഗങ്ങളായി ഇരുനൂറോളം പേർ പരിപാടികളിൽ പങ്കെടുക്കുമെന്നും സംഘാടകർ അറിയിച്ചു. നന്മ പ്രവർത്തകരുടെ വിവിധ കലാപരിപാടികളും ഒരുക്കിയിട്ടുണ്ട്. മേഖലാ സെക്രട്ടറി കെ ആർ ഔസേപ്പ് ചേലൂർ, ട്രഷറർ ടി ജി പ്രസന്നൻ എന്നിവരും പത്ര സമ്മേളനത്തിൽ പങ്കെടുത്തു.
