കെ.മോഹൻദാസ് സാമൂഹ്യ പ്രതിബദ്ധത ഉയർത്തിപ്പിടിച്ച ജനനേതാവായിരുന്നുവെന്ന് തോമസ്സ് ഉണ്ണിയാടൻ …
ഇരിങ്ങാലക്കുട: സാമൂഹ്യ പ്രതിബദ്ധത ഉയർത്തിപ്പിടിച്ച നേതാവായിരുന്നു കെ മോഹൻദാസ് എക്സ് എം പി യെന്ന് മുൻ ചീഫ് വിപ്പും കേരള കോൺഗ്രസ്സ് ഡെപ്യൂട്ടി ചെയർമാനുമായ അഡ്വ തോമസ് ഉണ്ണിയാടൻ പറഞ്ഞു . എം. പി എന്ന നിലയിലും ദേവസ്വം ബോർഡ് അംഗം എന്നീ നിലകളിലും അദ്ദേഹം നടത്തിയ സത്യസന്ധവും ആത്മാർഥവുമായ പ്രവർത്തനം എന്നെന്നും സ്മരിക്കപ്പെടുമെന്നും ഉണ്ണിയാടൻ പറഞ്ഞു. കെ.മോഹൻദാസ് എക്സ് എം .പി ഫൗണ്ടേഷൻ്റെ ആഭിമുമുഖ്യത്തിൽ നടത്തിയ കെ.മോഹൻദാസിൻ്റെ 26-ാം ചരമ വാർഷിക അനുസ്മരണസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം .ഫൗണ്ടേഷൻ സെക്രട്ടറിയും കേരള കോൺഗ്രസ്സ് സംസ്ഥാന സെക്രട്ടറിയും ആയ മിനി മോഹൻദാസ് അധ്യക്ഷത വഹിച്ചു.സംസ്ഥാന വൈസ് ചെയർമാൻ എം. പി. പോളി മുഖ്യഅനുസ്മരണ പ്രസംഗം നടത്തി. ഫൗണ്ടേഷൻ ഭാരവാഹികളായ റോക്കി ആളൂക്കാരൻ , അഡ്വ. സജി റാഫേൽ , സിജോയ് തോമസ് , പി. ടി. ജോർജ്ജ്, ,സേതുമാധവൻ.എം. കെ, ഫെനി എബിൻ , മാഗി വിൻസെൻ്റ്,അഡ്വ. ഷൈനി ജോജോ, പീറ്റർ പാറേക്കാട്ട് , ജോൺ മുണ്ടൻ മാണി, ജോയ് എടാട്ടുകാരൻ, ഡേവിസ് പാറേക്കാട്ട് , ജോസ് ചെമ്പകശ്ശേരി എന്നിവർ പ്രസംഗിച്ചു .
