പട്ടേപ്പാടത്തുള്ള വീട്ടിൽ നിന്നും 46 കിലോ കുരുമുളകും 20 കിലോ കൊട്ടടക്കയും കവർന്ന മറ്റത്തൂർ സ്വദേശിയായ പ്രതി പിടിയിൽ; പിടിയിലായത് മോഷണമുതലുമായി ഇരിങ്ങാലക്കുട ബസ് സ്റ്റാൻഡിൽ വന്നിറങ്ങിയപ്പോൾ .
ഇരിങ്ങാലക്കുട:പട്ടേപ്പാടത്തുള്ള വീട്ടിൽ നിന്നും 46 കിലോ കുരുമുളകും 20 കിലോ കൊട്ടടക്കയും കവർന്ന പ്രതി പിടിയിൽ. മറ്റത്തൂർ കോടാലി സ്വദേശിയായ ആളൂപറമ്പിൽ സുരേഷിനെയാണ് (50) ഇരിങ്ങാലക്കുട പോലീസ് പിടി കൂടിയത്.മാള -തൃശ്ശൂർ റൂട്ടിലോടുന്ന ഒരു ബസിൽ മോഷണ മുതലുകളുമായി ഒരാൾ വരുന്നതായി രഹസ്യ വിവരം ലഭിച്ചതനുസരിച്ച് ഇരിങ്ങാലക്കുട പ്രൈവറ്റ് ബസ് സ്റ്റാന്റിൽ പോലീസ് പരിശോധന നടത്തിയാണ് പ്രതിയെ പിടികൂടിയത്. ഇരിങ്ങാലക്കുട പോലീസ് സ്റ്റേഷനിലെ സബ് ഇൻസ്പെക്ടർമാരായ ദിനേശ് കുമാർ.പി.ആർ, രാജു.കെ.പി , സിവിൽ പോലീസ് ഓഫീസർമാരായ സുമേഷ്. കൃഷ്ണദാസ്, സനീഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.സുരേഷിന് ചാലക്കുടി, വെള്ളിക്കുങ്ങര, വെറ്റിലപ്പാറ, പീച്ചി, ചേർപ്പ്, പുതുക്കാട്, ആളൂർ, തൃശ്ശൂർ ഈസ്റ്റ് എന്നീ പോലീസ് സ്റ്റേഷനുകളിലായി സമാനമായ എട്ട് മോഷണ കേസുകൾ ഉള്ളതായി പോലീസ് അറിയിച്ചു.
