കുപ്രസിദ്ധ കുറ്റവാളിയും പതിനഞ്ചോളം കേസ്സുകളിലെ പ്രതിയുമായ പൊറത്തിശ്ശേരി സ്വദേശി ഡ്യൂക്ക് പ്രവീൺ പിടിയിൽ
ഇരിങ്ങാലക്കുട :കാട്ടൂർ പോലീസ് സ്റ്റേഷനിൽ തല്ല് കേസ്സിൽ അറസ്റ്റ് ചെയ്തു ജാമ്യത്തിൽ ഇറങ്ങി പിന്നീട് കോടതിയിൽ ഹാജരാകാതെ ഒളിവിൽ നടന്നിരുന്ന പൊറത്തിശ്ശേരി മുതിരപറമ്പിൽ @ഡ്യൂക്ക് പ്രവീൺ എന്ന പ്രവീൺ (28) അറസ്റ്റിൽ. തൃശ്ശൂർ ജില്ലാ പോലിസ് മേധാവി ബി കൃഷ്ണകുമാർ ഐപിഎസി ൻ്റെ നിർദ്ദേശ പ്രകാരം കാട്ടൂർ പോലീസ് ഇൻസ്‌പെക്ടർ ബൈജു ഇ ആർ ന്റെ നേതൃത്വത്തിൽ ഉദ്യോഗസ്ഥരായ സനദ്, അജേഷ്, കിരൺ എന്നിവരടങ്ങിയ സംഘമാണ് പ്രതിയെ പിടികൂടിയത്.2017 ൽ കൊരട്ടി പോലീസ് സ്റ്റേഷനിൽ കമ്പിവടി കൊണ്ട് തലക്കടിച്ച് മോഷണം നടത്തിയ കേസിലും 2018 ൽ മാള പോലീസ് സ്റ്റേഷനിൽ വടിവാൾ വച്ച് ആക്രമിച്ച കേസിലും ഇരിങ്ങാലക്കുട പോലീസ് സ്റ്റേഷനിൽ വീട് കയറി ആക്രമിച്ച കേസും 2021 ൽ ഇരിങ്ങാലക്കുട പോലീസ് സ്റ്റേഷനിൽ കിഡ്നാപ്പിംഗ് കേസിലും 2022ൽ വിയ്യൂർ പോലീസ് സ്റ്റേഷനിൽ കഞ്ചാവ് കേസിലും അടക്കം 15 ഓളം കേസിലെ പ്രതിയാണ് ഡ്യൂക്ക്. 2021 ലും 2023 ലും കാപ്പ നിയമപ്രകാരം തടവ് ശിക്ഷ അനുഭവിച്ച പ്രതിയുമാണ്.
