ഗാന്ധിജിയുടെ രക്തസാക്ഷിത്വദിനാചരണവുമായി സംഘടനകൾ
ഇരിങ്ങാലക്കുട : ഗാന്ധിജിയുടെ രക്തസാക്ഷിത്വദിനം ആചരിച്ച് സംഘടനകൾ. കോൺഗ്രസ് ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ രാജീവ് ഗാന്ധി മന്ദിരത്തിൽ നടന്ന പരിപാടിയുടെ ഉദ്ഘാടനം നഗരസഭ ചെയർപേഴ്സൺ മേരിക്കുട്ടി ജോയ് നിർവഹിച്ചു. മണ്ഡലം പ്രസിഡന്റ് അബ്ദുൽ ഹഖ് മാസ്റ്റർ അധ്യക്ഷതവഹിച്ചു .യൂത്ത് കോൺഗ്രസ് നിയോജകമണ്ഡലം പ്രസിഡന്റ് സനൽ കല്ലൂക്കാരൻ ,ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് ജോസഫ് ചാക്കോ ,അസറുദ്ദീൻ കളക്കാട് ,സതീഷ് പുളിയത്ത് ,യൂത്ത് കോൺഗ്രസ് മണ്ഡലം പ്രസിഡന്റ് ജോമോൻ, കൗൺസിലർമാരായ സുജ സജിവ് കുമാർ ,ജസ്റ്റിൻ ജോൺ ,മിനി ജോസ് ചാക്കോള ,മണ്ഡലം ട്രഷറർ ധർമ്മരാജൻ ,കുര്യൻ ജോസഫ് ,ജോസ് മാമ്പിള്ളി ,എ സി സുരേഷ് എന്നിവർ നേതൃത്വം നൽകി
നീഡ്സിൻ്റെ ആഭിമുഖ്യത്തിൽ റെസ്റ്റ് ഹൗസ് അങ്കണത്തിൽ ഗാന്ധി പ്രതിമയ്ക്ക് മുന്നിൽ നടന്ന അനുസ്മരണ ചടങ്ങ് നീഡ്സ് പ്രസിഡണ്ട് അഡ്വ തോമസ് ഉണ്ണിയാടൻ ഉദ്ഘാടനം ചെയ്തു. വൈസ്- പ്രസിഡണ്ട് പ്രൊഫ ആർ ജയറാം അധ്യക്ഷത വഹിച്ചു.
