അവിട്ടത്തൂർ മഹാദേവക്ഷേത്രത്തിലെ തിരുവുൽസവത്തിന് ജനുവരി 31 ന് കൊടിയേറും.
ഇരിങ്ങാലക്കുട : അവിട്ടത്തൂർ മഹാദേവക്ഷേത്രത്തിലെ തിരുവുൽസവം ജനുവരി 31 ന് കൊടികയറി ഫെബ്രുവരി 9 ന് ആറാട്ടോടെ സമാപിക്കും. ക്ഷേത്ര ചടങ്ങുകൾ, ശീവേലി, വിളക്കെഴുന്നള്ളിപ്പ്, പഞ്ചവാദ്യം, പാണ്ടിമേളം , പ്രസാദ ഊട്ട്, ന്യത്തന്യത്യങ്ങൾ, ഭരതനാട്യം , തായമ്പക, കഥകളി, ചാക്യാർകൂത്ത്, മാജിക് ഷോ , നാടകം, സംഗീത സന്ധ്യ , പള്ളിവേട്ട ,ആറാട്ട് എന്നിവയാണ് പ്രധാന പരിപാടികളെന്ന് ദേവസ്വം പ്രസിഡണ്ട് ഡോ മുരളി ഹരിതം , സെക്രട്ടറി കെ കെ കൃഷ്ണൻനമ്പൂതിരി എന്നിവർ പത്ര സമ്മേളനത്തിൽ അറിയിച്ചു. ക്ഷേത്ര ചടങ്ങുകൾക്ക് വടക്കേടത്ത് പെരുമ്പടപ്പ് കേശവൻ നമ്പൂതിരി, തെക്കേടത്ത് പെരുമ്പടപ്പ് ദാമോദരൻ നമ്പൂതിരി, ഓട്ടൂരുമേക്കാട്ട് വിനോദൻ നമ്പൂതിരി എന്നിവർ നേതൃത്വം നൽകും. പെരുവനം സതീശൻ മാരാർ കലാമണ്ഡലം ശിവദാസ് , പെരുവനം കുട്ടൻമാരാർ എന്നിവർ മേളത്തിന് പ്രാമാണ്യം വഹിക്കും. വൈസ്- പ്രസിഡണ്ട് വിഷ്ണു നമ്പൂതിരി, വിവിധ കമ്മിറ്റി ഭാരവാഹികളായ അഖിൽ ഉണ്ണികൃഷ്ണൻ, പ്രസാദ് നെടുംപറമ്പിൽ, സി സി സുരേഷ്, എ സി സുരേഷ് എന്നിവരും പത്രസമ്മേളനത്തിൽ പങ്കെടുത്തു
