ഉദ്ഘാടനം കഴിഞ്ഞിട്ട് പത്ത് മാസം ; ഷീ ലോഡ്ജ് ഇനിയും പ്രവർത്തനക്ഷമമായില്ല; റീത്ത് വച്ച് സിപിഎം പ്രവർത്തകരുടെ പ്രതിഷേധം.
ഇരിങ്ങാലക്കുട : നഗരസഭയിലെ ഷീ ലോഡ്ജ് ഉദ്ഘാടനം കഴിഞ്ഞ് പത്ത് മാസം പിന്നിട്ടിട്ടും തുറന്ന് കൊടുക്കാത്തതിൽ റീത്ത് വച്ച് പ്രതിഷേധം. സിപിഎം ടൗൺ വെസ്റ്റ് ലോക്കൽ കമ്മിറ്റിയുടെ നേതൃത്വത്തിലായിരുന്നു പ്രതിഷേധം. സാങ്കേതിക കാര്യങ്ങൾ പറഞ്ഞ് നഗരസഭ അധികൃതർ ഒഴിഞ്ഞ് മാറുകയാണെന്നും ഉദ്ഘാടനത്തിന് മുമ്പ് തന്നെ ആവശ്യമായ നടപടികൾ സ്വീകരിക്കേണ്ടതായിരുന്നുവെന്നും സമരക്കാർ ചൂണ്ടിക്കാട്ടി. സമരം എരിയ കമ്മിറ്റി അംഗം ജയൻ അരിമ്പ്ര ഉദ്ഘാടനം ചെയ്തു. ശശി വെട്ടത്ത് അധ്യക്ഷത വഹിച്ചു. വി എൻ കൃഷ്ണൻകുട്ടി, വി എ അനീഷ് , അതുൽ ജയൻ, സിജിൻകുമാർ, എം ടി വർഗ്ഗീസ്, കെ കെ ജോളി എന്നിവർ പ്രസംഗിച്ചു.
Please follow and like us:
