കൂടൽ മാണിക്യം ക്ഷേത്രത്തിലെ തണ്ടികവരവ്, തൃപ്പുത്തരി, മുക്കുടി ആഘോഷങ്ങൾ; ഭക്തി സാന്ദ്രമായി കലവറ നിറയ്ക്കൽ ചടങ്ങ്
ഇരിങ്ങാലക്കുട : ഭക്തിസാന്ദ്രമായി ശ്രീ കൂടൽമാണിക്യം ക്ഷേത്രത്തിലെ കലവറ നിറയ്ക്കൽ. നവംബർ 8, 9 , 10 തീയതികളിൽ നടക്കുന്ന തണ്ടികവരവ്, തൃപ്പുത്തരി, മുക്കുടി ആഘോഷങ്ങളുടെ മുന്നോടിയായി കിഴക്കേ നടയിൽ നടന്ന കലവറ നിറയ്ക്കൽ ചടങ്ങ് ദേവസ്വം ചെയർമാൻ അഡ്വ സി കെ ഗോപി ഉദ്ഘാടനം ചെയ്തു. ക്ഷേത്രം മേൽശാന്തി മണക്കാട് പരമേശ്വരൻ നമ്പൂതിരി വിളക്ക് കൊളുത്തി. ആദ്യ സമർപ്പണമായി തെക്കേമഠം സുരേഷ് ഭഗവാന് നേന്ത്രക്കുല സമർപ്പിച്ചു. തുടർന്ന് ഭക്തജനങ്ങൾ പലവ്യഞ്ജനങ്ങളും പച്ചക്കറികളും സമർപ്പിച്ചു. ഭരണ സമിതി അംഗങ്ങളായ ഡോ മുരളി ഹരിതം , രാഘവൻ മുളങ്ങാടൻ, അഡ്വ കെ ജി അജയ്കുമാർ, കെ ബിന്ദു, ക്ഷേത്രം ജീവനക്കാർ, ഭക്തജനങ്ങൾ തുടങ്ങിയവർ പങ്കെടുത്തു.
Please follow and like us:
