ബൈക്ക് നൽകിയില്ലെന്നതിൻ്റെ പേരിൽ ബൈക്ക് ഉടമയെ അക്രമിച്ച കാറളം വെള്ളാനി സ്വദേശി അറസ്റ്റിൽ .
ഇരിങ്ങാലക്കുട : ബൈക്ക് നൽകിയില്ലെന്നതിൻ്റെ പേരിൽ ബൈക്ക് ഉടമയെ ആക്രമിച്ച കേസിൽ യുവാവ് അറസ്റ്റിൽ. കാറളം വെള്ളാനി വെളിയത്ത് വീട്ടിൽ സനൽ (29) നെയാണ് കാട്ടൂർ സിഐ ഇ ആർ ബൈജുവിൻ്റെ നേതൃത്വത്തിൽ എസ്ഐ ബാബു ജോർജ്ജും സംഘവും അറസ്റ്റ് ചെയ്തത്. ഈ മാസം 5 ന് ആയിരുന്നു സംഭവം. വെള്ളാനി പുത്തൻകുളം വീട്ടിൽ നവാസ് ( 36) നെ പ്രതി ദേഹോപദ്രവം എല്പിക്കുകയും കഴുത്തിൽ ഞെക്കി കൊല്ലാൻ ശ്രമിച്ചതായും പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.
Please follow and like us:
