ബാലസംഘം തൃശ്ശൂർ ജില്ലാ സമ്മേളനം ഒക്ടോബർ 19, 20 തീയതികളിൽ ഇരിങ്ങാലക്കുടയിൽ; പങ്കെടുക്കുന്നത് ജില്ലയിലെ ഒരു ലക്ഷത്തോളം അംഗങ്ങളെ പ്രതിനിധീകരിച്ച് 300 ഓളം പ്രതിനിധികൾ .
ഇരിങ്ങാലക്കുട : ഒക്ടോബർ 19, 20 തീയതികളിലായി ഇരിങ്ങാലക്കുടയിൽ നടക്കുന്ന ബാലസംഘം ജില്ലാ സമ്മേളനത്തിൻ്റെ ഒരുക്കങ്ങൾ പൂർത്തിയായി. 19 ന് രാവിലെ 10 ന് ടൗൺ ഹാളിൽ നടക്കുന്ന സമ്മേളനം ബാലസംഘം മുൻ സംസ്ഥാന സെക്രട്ടറി ഡോ ഷിജുഖാൻ ഉദ്ഘാടനം ചെയ്യുമെന്ന് സംഘാടക സമിതി ചെയർമാൻ വി എ മനോജ്കുമാർ, ബാലസംഘം ജില്ലാ സെക്രട്ടറി അഖില നന്ദകുമാർ എന്നിവർ പത്ര സമ്മേളനത്തിൽ അറിയിച്ചു. വൈകീട്ട് നടക്കുന്ന സാംസ്കാരിക സമ്മേളനം ഉന്നത വിദ്യാഭ്യാസ വകുപ്പ് മന്ത്രി ഡോ ആർ ബിന്ദു ഉദ്ഘാടനം ചെയ്യും. സംഘം സംസ്ഥാന കോർഡിനേറ്റർ എം രൺധീഷ്, സംസ്ഥാന വൈസ്- പ്രസിഡണ്ട് ഫിദ പ്രദീപ്, ഡി എസ് സന്ദീപ്, തുടങ്ങിയവർ പങ്കെടുക്കും. ജില്ലയിലെ ഒരു ലക്ഷത്തോളം അംഗങ്ങളെ പ്രതിനിധീകരിച്ച് 300 ഓളം പ്രതിനിധികൾ സമ്മേളനത്തിൽ പങ്കെടുക്കും. ജില്ലാ കോർഡിനേറ്റർ ടി കെ അമൽറാം, സംഘാടകരായ ടി എസ് സജീവൻ മാസ്റ്റർ, രാജേഷ് അശോകൻ, അഭിനവ് ഗിരീഷ് , ഗേയ മനോജ് എന്നിവരും പത്ര സമ്മേളനത്തിൽ പങ്കെടുത്തു.
