കഥകളി ക്ലബിൻ്റെ സമഗ്ര സംഭവനാ പുരസ്കാരം കഥകളി ആചാര്യൻ സദനം കൃഷ്ണൻകുട്ടിക്ക്; ജനുവരി 12 ന് പുരസ്കാരം സമ്മാനിക്കും.
ഇരിങ്ങാലക്കുട :സുവർണ്ണജൂബിലി ആഘോഷിക്കുന്ന
ഇരിങ്ങാലക്കുട കഥകളി ക്ലബ്ബിന്റെ വാർഷികകഥകളിപുരസ്കാരങ്ങൾ പ്രഖ്യാപിച്ചു. സമഗ്രസംഭാവനാപുരസ്കാരത്തിന് കഥകളി ആചാര്യൻ സദനം കൃഷ്ണൻകുട്ടി അർഹനായി. വേഷം , സംഗീതം, ചെണ്ട, മദ്ദളം, ചുട്ടി, അണിയറ വിഭാഗങ്ങളിൽ
കലാമണ്ഡലം ബാലസുബ്രഹ്മണ്യൻ,
പത്തിയൂർ ശങ്കരൻകുട്ടി ,
സദനം ഗോപാലകൃഷ്ണൻ ,
സദനം രാജഗോപാലൻ,
കലാമണ്ഡലം സതീശൻ,
ഊരകം നാരായണൻ നായർ എന്നിവർക്കും ഇ കേശവദാസ് സ്മാരക കഥകളി പുരസ്കാരം കഥകളി ഗായകൻ കോട്ടയ്ക്കൽ മധുവിനും, പി ബാലകൃഷ്ണൻ സ്മാരക കഥകളി എന്റോവ്മെന്റ് കേരളകലാമണ്ഡലത്തിലെ വടക്കൻചിട്ട വേഷവിഭാഗം വിദ്യാർത്ഥി ആർ ആദിത്യനും സമ്മാനിക്കുമെന്ന് ക്ലബ് പ്രസിഡണ്ട് അനിയൻ മംഗലശ്ശേരി , സെക്രട്ടറി രമേശൻ നമ്പീശൻ എന്നിവർ പത്രസമ്മേളനത്തിൽ അറിയിച്ചു.
പുരസ്കാരങ്ങൾ 2025 ജനുവരി 12ന് നടക്കുന്ന സുവർണ്ണജൂബിലി സമാപനസമ്മേളനത്തിൽ സമർപ്പിക്കും. കമ്മിറ്റി അംഗങ്ങളായ റഷീദ് കാറളം ,
ടി എൻ കൃഷ്ണദാസ് എന്നിവരും പത്ര സമ്മേളനത്തിൽ പങ്കെടുത്തു.
