ശ്രീ കൂടൽമാണിക്യം ക്ഷേത്രത്തിൽ നവരാത്രി നൃത്ത-സംഗീതോൽസവത്തിന് തുടക്കമായി
ഇരിങ്ങാലക്കുട :ശ്രീ കൂടൽമാണിക്യം ക്ഷേത്രത്തിൽ നവരാത്രി നൃത്ത-സംഗീതോൽസവത്തിന് തുടക്കമായി. ക്ഷേത്രത്തിൻ്റെ കിഴക്കേ ഗോപുര നടയിൽ നടന്ന ചടങ്ങിൽ ദേവസ്വം ചെയർമാൻ അഡ്വ സി കെ ഗോപി നവരാത്രി മഹോൽസവ പരിപാടികൾ ഉദ്ഘാടനം ചെയ്തു. ഭരണ സമിതി അംഗം മുരളി ഹരിതം അധ്യക്ഷത വഹിച്ചു. അംഗങ്ങളായ രാഘവൻ മുളങ്ങാടൻ, അഡ്വ കെ ജി അജയകുമാർ, കെ ബിന്ദു, മുൻ മെമ്പർ ഭരതൻ കണ്ടേങ്കാട്ടിൽ, അഡ്മിനിസ്ട്രേറ്റർ ഉഷാനന്ദിനി കെ എന്നിവർ സംസാരിച്ചു. വൈകീട്ട് തിരുവാതിരക്കളിയോടെയാണ് പരിപാടികൾക്ക് തുടക്കമായത്. ഒക്ടോബർ 13 വരെ നീണ്ടു നിൽക്കുന്ന എഴുപതോളം കലാപരിപാടികളിൽ 700 ൽ പരം കലാകാരൻമാർ പങ്കെടുക്കും.
Please follow and like us:
