കുടിവെള്ളത്തിനായി മാടായിക്കോണം സ്വദേശിയായ വയോധികൻ്റെ ഒറ്റയാൾ സമരം ; നടപടികൾ സ്വീകരിക്കുമെന്ന് വാട്ടർ അതോറിറ്റി അധികൃതർ
ഇരിങ്ങാലക്കുട : കുടിവെള്ളത്തിനായി മാടായിക്കോണം സ്വദേശിയായ വയോധികൻ്റെ ഒറ്റയാൾ സമരം. മാടായിക്കോണം ചകിരിക്കമ്പനി റോഡിൽ കാരേക്കാട്ടുപറമ്പിൽ മോഹനനാണ് ( 60 വയസ്സ്) കുടിവെള്ളത്തിനായി വാട്ടർ അതോറിറ്റി ഓഫീസിന് മുന്നിൽ പ്ലാക്കാർഡുമായി പ്രതിഷേധസമരം നടത്തിയത്. രണ്ട് മാസമായി വീട്ടിലും അടുത്ത വീടുകളിലും കുടിവെള്ളമില്ലാത്ത സാഹചര്യമാണെന്ന് ഓട്ടോ ഡ്രൈവർ കൂടിയായ മോഹനൻ പറഞ്ഞു. വിഷയം ശ്രദ്ധയിൽ പ്പെട്ടിട്ടുണ്ടെന്നും വാർഡ് കൗൺസിലറും മറ്റ് വീട്ടുകാരും വന്നിരുന്നുവെന്നും തൊഴിലാളികൾ ഇല്ലാത്ത സാഹചര്യത്തിലാണ് കഴിഞ്ഞ ദിവസം പോകാൻ കഴിയാതിരുന്നതെന്നും അടുത്ത ദിവസം തന്നെ കുടിവെള്ളം ലഭിക്കാനുള്ള നടപടികൾ സ്വീകരിക്കുമെന്നും വാട്ടർ അതോറിറ്റി അധികൃതർ അറിയിച്ചു.
